– Prezidentimiz Nursultan Ábishuly Nazarbaev dene shynyqtyrý men sportty belsendi túrde damytý týraly mańyzdy tapsyrma berdi. Bul tapsyrmany oryndaý isinde memleket tarapynan jan-jaqty qoldaý kórsetilýde. Sol sebepti bizderdiń oryndaýǵa tiisti máselelerimizdiń biri – sporttyq infraqurylymdy ári qarai damytý, aýdandar men qalalarda dene shynyqtyrý – saýyqtyrý keshenderi men ózge de sporttyq nysandardy turǵyzý. Almaty oblysy óziniń sporttyq jetistikterimen aýyz toltyryp maqtana alady. Jetisý ólkesinen osy kúnge deiin ataǵy alysqa taraǵan chempiondar men rekordtardy jańartqan shoqtyǵy biik talai sportshylar shyqqan. Bizdiń tárbielenýshilerimiz túrli deńgeidegi jarystarda joǵary nátijelerge qol jetkizýde. Atap aitar bolsaq, sportshylarymyz biylǵy jyldyń ózinde Halyqaralyq jáne Respýblikalyq jarystarda 657 medal ielendi. Sonyń ishinde 244 – altyn, 218 – kúmis jáne 195 - qola. Sportshylar men olardyń jattyqtyrýshylaryna sáttilik tilei otyryp, Qazaqstannyń sportyn odan ári biik shyńdarǵa kótere berýlerińizdi tileimin, – dedi A. Batalov.
Sondai-aq óńir basshysy oblysymyzda sport nysandaryn salý,materialdyq-tehnikalyq bazamen qamtamasyz etý jáne kúrdeli jóndeý jumystarynyń qarqyndy júrgizilip jatqandyǵyn atai kele, jaqyn aralyqta Taldyqorǵanda 3 iri sporttyq nysannyń boi kóteretindigin tilge tiek etti. Olar – júzý jolaǵy 50 metr bolatyn júzý basseini men sýǵa sekirýge arnalǵan 10 metrlik tuǵyry bar keshen, jabyq jeńil atletika maneji jáne Qapshaǵai men Taldyqorǵan qalalarynyń aralyǵynda salynatyn velotrek.
Sporttaǵy joǵary kórsetkishteri úshin paýerliftingten Rio-de-Janeiroda ótken Paralimpiada oiyndarynyń kúmis júldegeri Raýshan Qoishybaevaǵa oblys ákimi Amandyq Batalov eki bólmeli páterdiń kiltin tabystady. Olimpiada oiyndarynda ziltemir kóterýden qola júldege ie bolǵan Karina Gorichevaǵa1 bólmeli páter berildi. Aýyratletshiniń osy kúnderi Taibeide ótip jatqan jazǵy Ýniversiada oiyndarynda el namysyn qorǵap jatqandyǵyn eskere kele, jańa páterdiń kilti sportshynyń anasy Elena Gorichevaǵa tabystaldy.
Jattyqtyrýshylardyń da eńbekteri eskerýsiz qalmady. QR Mádeniet jáne sport ministrliginiń «Qurmetti sport qyzmetkeri» tósbelgisimen dziýdodan oblystyq joǵary sporttyq sheberlik mektebiniń jattyqtyrýshysy Timýr Abyhanov pen erkin kúresten oblystyq joǵary sporttyq sheberlik mektebiniń jattyqtyrýshysy Aman Buǵybaev marapattaldy.
Taǵy bir joǵary nagrada sanalatyn «Dene shynyqtyrý men sportty damytýǵa sińirgen eńbegi úshin» tósbelgisi Jambyl jáne Qarasai aýdandarynyń sportta daryndy balalar men jasóspirimderge arnalǵan sport mektepteriniń direktorlary Baqbergen Qaiyrlybaev pen Valerii Hatsievke tabystaldy.
Marapattaý rásimi birneshe sportshyǵa, olardyń jattyqtyrýshylary men sport salasynyń qyzmetkerlerine oblys ákimi men QR Mádeniet jáne sport ministrliginiń Sport jáne dene shynyqtyrý isteri komitetiniń Qurmet gramotalary men Alǵys hattaryn tabystaýmen jalǵasty. Tórt sportshy sport sheberi ataǵyna ie boldy.
Osydan keiin saltanatty jiynda Qazaqstannyń Eńbek sińirgen jattyqtyrýshysy, Qazaqstan Respýblikasynyń qurmetti sport qairatkeri Ákeshai Jailaýbekov, aýyr atletikadan Álem chempiony, kógaldaǵy hokkeiden Aziia birinshiliginiń úsh dúrkin júldegeri, QR sport sheberi Nurjan Beibitov jáne ózge azamattar minberden sóz sóilep, sportpen jáne dene shynyqtyrýmen ainalysýǵa memleket tarapynan jasalyp jatqan qoldaýǵa alǵystaryn bildirip, jastardy sportpen belsendi ainalysýǵa shaqyrdy. Osy jolda sóileýshilerdiń ózderi de elimiz ben oblysymyzdyń sportyn jańa beleske shyǵarýǵa aianbai ter tógetindikterin atap ótti.
Shara kontserttik baǵdarlamamen jalǵasty. Esterińizge salar bolsaq, Almaty oblysynda aǵymdaǵy jyldyń ózinde halyqaralyq dárejedegi 12 sport sheberi, 78 sport sheberi, 471 sport sheberligine úmitker jáne 233 birinshi sanatty sportshylar tárbielenip shyqty. Aldyńǵy qatarly 72 sportshy men 21 múmkindigi shekteýli sportshylarymyzǵa ai saiyn arnaiy stipendiia qarastyrylǵan. Talǵar aýdanynda at sporty jáne ulttyq sport túrlerinen jáne Taldyqorǵan qalasynda shahmat pen ústel oiyndary túrlerinen balalar men jasóspirimderdiń mamandandyrylǵan sport mektepteri ashyldy.
Almaty oblysy ákiminiń baspasóz qyzmeti
