قۇتتىقتاۋ تٸلەگٸن بٸلدٸرگەن وبلىس باسشىسى دەنساۋلىق ساقتاۋ سالاسىنا مەملەكەت تاراپىنان زور قولداۋ كٶرسەتٸلٸپ وتىرعانىن اتاپ ٶتتٸ.
– ادام جانىنىڭ اراشاسى بولىپ تابىلاتىن دەرٸگەرلەردٸڭ قوعامداعى ورنى ەرەكشە. حالىقتىڭ دەنساۋلىعىن جاقسارتاتىن اق حالاتتى ابزال جاندارعا ەلٸمٸزدە ەرەكشە قۇرمەت كٶرسەتٸلەدٸ. ەلباسىمىز نۇرسۇلتان ەبٸشۇلى نازارباەۆتىڭ «ۇلت دەنساۋلىعى – بٸزدٸڭ جارقىن بولاشاعىمىزدىڭ نەگٸزٸ» دەگەن سٶزدەرٸ سٸزدەردٸڭ ماماندىقتارىڭىزدىڭ بار بولمىسىن ايقىنداپ تۇر. دەنساۋلىق ساقتاۋ سالاسى – مەملەكەتتٸك ساياساتتىڭ باسىم باعىتتارىنىڭ بٸرٸ. سوندىقتان بٸزدٸڭ وبلىسىمىزدا بۇل سالاعا بٶلٸنەتٸن قارجى جىلدان جىلعا ارتىپ كەلەدٸ. سونىڭ ارقاسىندا بٸزدٸڭ مەديتسينالىق مەكەمەلەرٸمٸز ەڭ وزىق ٷلگٸدەگٸ قۇرال-جابدىقتارمەن جابدىقتالىپ, ەمدەۋدٸڭ تيٸمدٸ تەسٸلدەرٸ قولدانىلىپ كەلەدٸ, – دەدٸ وبلىس باسشىسى. سٶزٸن ودان ەرٸ ساباقتاعان ا. باتالوۆ:
– قاجىرلى قىزمەتتەرٸڭٸزگە تابىس, وتباسىلارىڭىزعا باق-بەرەكە تٸلەيمٸن. سالاماتتى ۇلت قالىپتاستىرۋ جولىنداعى ەڭبەكتەرٸڭٸز جانىپ, حالىقتىڭ ىستىق ىقىلاسىنا بٶلەنە بەرٸڭٸزدەر! – دەدٸ ٸزگٸ تٸلەگٸن جەتكٸزٸپ.
سونىمەن قاتار اماندىق باتالوۆ ٷزدٸك قىزمەتكەرلەرگە قر دەنساۋلىق ساقتاۋ مينيسترلٸگٸنٸڭ ناگرادالارىن, وبلىس ەكٸمٸنٸڭ قۇرمەت گراموتاسى مەن العىس حاتتارىن تابىستادى.
اتاپ ايتقاندا, «دەنساۋلىق ساقتاۋ ٸسٸنە قوسقان ٷلەسٸ ٷشٸن» تٶسبەلگٸسٸمەن تالدىقورعان ايماقتىق ينفەكتسييالىق اۋرۋحاناسىنىڭ بٶلٸم مەڭگەرۋشٸسٸ انجەلينا كيم مەن قاراساي اۋداندىق ورتالىق اۋرۋحاناسىنىڭ رەنتگەنولوگ دەرٸگەرٸ ەديك سانچيروۆ ماراپاتتالدى.
مەديتسينا قىزمەتكەرلەرٸ اتىنان دەنساۋلىق ساقتاۋ سالاسىنىڭ ارداگەرٸ كەنجەبەك ٶمٸرعالي مەن تالدىقورعان قالالىق ەمحاناسىنىڭ تەراپەۆت دەرٸگەرٸ دانا التىنباەۆا ەرٸپتەستەرٸنە ٸزگٸ تٸلەگٸن ايتىپ, ماماندارعا كٶرسەتٸلٸپ وتىرعان قولداۋلار ٷشٸن ريزاشىلىعىن بٸلدٸردٸ.
سالتاناتتى شارا «كەسٸبٸڭە باسىمدى يەم» اتتى مەرەكەلٸك كونتسەرتپەن جالعاستى.
وسى كٷنٸ ٸ.جانسٷگٸروۆ اتىنداعى مەدەنيەت سارايىنىڭ كٸرە بەرٸسٸندە الماتى وبلىسىندا مەملەكەتتٸك – جەكەمەنشٸك ەرٸپتەستٸك نەگٸزٸندە دەنساۋلىق ساقتاۋ سالاسىندا قولعا الىنعان جوبالاردى كٶرسەتەتٸن كٶرمە ۇيىمداستىرىلدى.
وبلىس ەكٸمٸ مەملەكەتتٸك-جەكە مەنشٸك ەرٸپتەستٸكتٸڭ مەملەكەت باسشىسىنىڭ بەرگەن نەگٸزگٸ تاپسىرمالارىنىڭ بٸرٸ ەكەندٸگٸن اتاپ ٶتتٸ.
– بٸزدٸڭ ٶڭٸرٸمٸزدە مەملەكەتتٸك-جەكە مەنشٸك ەرٸپتەستٸك جاقسى قارقىنمەن جٷزەگە اسۋدا. قازٸر بٸز قوس تاراپقا دا تيٸمدٸ بۇنداي ەرٸپتەستٸك قاتىناستى دەنساۋلىق سالاسىندا دا پايدالانا باستادىق. ٶزدەرٸڭٸز وسى عيماراتتىڭ كەرە بەرٸسٸندە قويىلعان كٶرمەدەن كٶرگەن جوبالارىڭىز جەمٸستٸ ىنتىماقتاستىق قاتىناستاردىڭ تەك باستاماسى عانا. ولاردىڭ ورىندالۋى حالىقتىڭ دەنساۋلىق قورعاۋ مەن نىعايتۋ جولىندا تيگٸزەر سەپتٸگٸنٸڭ زور بولاتىندىعىنا سەنٸمدٸمٸن, – دەدٸ ا.باتالوۆ.
كٶرمەگە قاتىسۋشىلاردىڭ مامانداندىرىلعان ارنايى قۇرىلعىلار مەن زەرتتەۋ ەدٸستەرٸنٸڭ زاماناۋي ٷلگٸسٸن بٸرٸكتٸرە تانىستىرعان جوبالارى ونكولوگييالىق اۋرۋلاردى ەرتە انىقتاۋعا مٷمكٸندٸك بەرەتٸندٸگٸن ەسكەرتە كەتكەن جٶن.
سونداي-اق6 شارا بارىسىندا كٶپشٸلٸك نازارىنا ٶڭٸردٸڭ دەنساۋلىق ساقتاۋ سالاسىندا قول جەتكٸزگەن جەتٸستٸكتەرٸن كٶرسەتەتٸن بەينەروليك ۇسىنىلدى.
الماتى وبلىسى ەكٸمٸنٸڭ باسپاسٶز قىزمەتٸ
