Quttyqtaý tilegin bildirgen oblys basshysy densaýlyq saqtaý salasyna memleket tarapynan zor qoldaý kórsetilip otyrǵanyn atap ótti.
– Adam janynyń arashasy bolyp tabylatyn dárigerlerdiń qoǵamdaǵy orny erekshe. Halyqtyń densaýlyǵyn jaqsartatyn aq halatty abzal jandarǵa elimizde erekshe qurmet kórsetiledi. Elbasymyz Nursultan Ábishuly Nazarbaevtyń «Ult densaýlyǵy – bizdiń jarqyn bolashaǵymyzdyń negizi» degen sózderi sizderdiń mamandyqtaryńyzdyń bar bolmysyn aiqyndap tur. Densaýlyq saqtaý salasy – memlekettik saiasattyń basym baǵyttarynyń biri. Sondyqtan bizdiń oblysymyzda bul salaǵa bólinetin qarjy jyldan jylǵa artyp keledi. Sonyń arqasynda bizdiń meditsinalyq mekemelerimiz eń ozyq úlgidegi qural-jabdyqtarmen jabdyqtalyp, emdeýdiń tiimdi tásilderi qoldanylyp keledi, – dedi oblys basshysy. Sózin odan ári sabaqtaǵan A. Batalov:
– Qajyrly qyzmetterińizge tabys, otbasylaryńyzǵa baq-bereke tileimin. Salamatty ult qalyptastyrý jolyndaǵy eńbekterińiz janyp, halyqtyń ystyq yqylasyna bólene berińizder! – dedi izgi tilegin jetkizip.
Sonymen qatar Amandyq Batalov úzdik qyzmetkerlerge QR Densaýlyq saqtaý ministrliginiń nagradalaryn, oblys ákiminiń Qurmet gramotasy men alǵys hattaryn tabystady.
Atap aitqanda, «Densaýlyq saqtaý isine qosqan úlesi úshin» tósbelgisimen Taldyqorǵan aimaqtyq infektsiialyq aýrýhanasynyń bólim meńgerýshisi Anjelina Kim men Qarasai aýdandyq ortalyq aýrýhanasynyń rentgenolog dárigeri Edik Sanchirov marapattaldy.
Meditsina qyzmetkerleri atynan densaýlyq saqtaý salasynyń ardageri Kenjebek Ómirǵali men Taldyqorǵan qalalyq emhanasynyń terapevt dárigeri Dana Altynbaeva áriptesterine izgi tilegin aityp, mamandarǵa kórsetilip otyrǵan qoldaýlar úshin rizashylyǵyn bildirdi.
Saltanatty shara «Kásibińe basymdy iem» atty merekelik kontsertpen jalǵasty.
Osy kúni I.Jansúgirov atyndaǵy Mádeniet saraiynyń kire berisinde Almaty oblysynda memlekettik – jekemenshik áriptestik negizinde densaýlyq saqtaý salasynda qolǵa alynǵan jobalardy kórsetetin kórme uiymdastyryldy.
Oblys ákimi memlekettik-jeke menshik áriptestiktiń Memleket basshysynyń bergen negizgi tapsyrmalarynyń biri ekendigin atap ótti.
– Bizdiń óńirimizde memlekettik-jeke menshik áriptestik jaqsy qarqynmen júzege asýda. Qazir biz qos tarapqa da tiimdi bundai áriptestik qatynasty densaýlyq salasynda da paidalana bastadyq. Ózderińiz osy ǵimarattyń káre berisinde qoiylǵan kórmeden kórgen jobalaryńyz jemisti yntymaqtastyq qatynastardyń tek bastamasy ǵana. Olardyń oryndalýy halyqtyń densaýlyq qorǵaý men nyǵaitý jolynda tigizer septiginiń zor bolatyndyǵyna senimdimin, – dedi A.Batalov.
Kórmege qatysýshylardyń mamandandyrylǵan arnaiy qurylǵylar men zertteý ádisteriniń zamanaýi úlgisin biriktire tanystyrǵan jobalary onkologiialyq aýrýlardy erte anyqtaýǵa múmkindik beretindigin eskerte ketken jón.
Sondai-aq6 shara barysynda kópshilik nazaryna óńirdiń densaýlyq saqtaý salasynda qol jetkizgen jetistikterin kórsetetin beinerolik usynyldy.
Almaty oblysy ákiminiń baspasóz qyzmeti
