«قانت قىزىلشاسىن ءوسىرۋ جايلى ءتورت جوبا، مال شارۋاشىلىعى بويىنشا ەكى جانە جالپى سوماسى 34 ملن 300 مىڭ تەڭگە ارپا ءوسىرۋ جونىندەگى ءبىر ءوتىنىم ماقۇلداندى. قارىز الۋشىلار – شارۋا قوجالىعى وكىلدەرى جانە جەكە كاسىپكەرلەر ەكەندىگىن باسا ايتۋ كەرەك»، – دەيدى الماتى وبلىسى كاسىپكەرلەرى پالاتاسى ديرەكتورى ءلاززات شىڭعىسبايەۆا.
قازىرگى ۋاقىتتا اۋىل شارۋاشىلىعىن قارجىلىق قولداۋ قورىنا شەشىمدەر حاتتامالارى بەرىلدى. ولاردى قاراعان سوڭ قارجى ۇيىمى قارىز الۋشىلارمەن قارىز الۋ جانە اقشا قۇرالدارىن ودان ءارى اۋدارۋعا ارنالعان كەپىل شارتىن جاسايدى. سونىمەن قاتار ميكرونەسيەلەۋ باعدارلاماسى بويىنشا قور 62 ءوتىنىم جونىندە قارجى-ەكونوميكالىق تالداۋ، زاڭگەرلىك ساراپتاما جۇرگىزەدى. جاعىمدى شەشىم شىققان جاعدايدا جوبالاردى نەسيە كوميتەتىنىڭ مۇشەلەرى قارايدى.
اتاپ وتەلىك، كوميتەتتىڭ العاشقى ماجىلىسىندە جالپى سوماسى 75 ملن. تەڭگەدەن استام 20 ءوتىنىم قارالدى جانە ماقۇلداندى. بۇل جوبالاردىڭ بارلىعى ءوڭىردىڭ قىزىلشا سالاسىن دامىتۋعا باعىتتالعان. ميكرويەسيەلەۋ باعدارلاماسىنىڭ باستى ەرەكشەلىگى – جەر ۋچاسكەلەرىن، تۇرعىن ءۇي قۇرىلىستارىن جانە باسقاداي مۇلىكتى كەپىل رەتىندە قاراۋ. سونداي-اق سىياقى مولشەرلەمەسى جىلدىق 6%-دى قۇرايدى، سىياقىنىڭ جىلدىق ءتيىمدى مولشەرلەمەسى 6،7% اسپايدى.
"قمد" اقپارات
