Jetisýdyń kásipkerleri tiimdi nesiege qol jetkizdi
«Qant qyzylshasyn ósirý jaily tórt joba, mal sharýashylyǵy boiynsha eki jáne jalpy somasy 34 mln 300 myń teńge arpa ósirý jónindegi bir ótinim maquldandy. Qaryz alýshylar – sharýa qojalyǵy ókilderi jáne jeke kásipkerler ekendigin basa aitý kerek», – deidi Almaty oblysy Kásipkerleri palatasy direktory Lázzat Shyńǵysbaeva.
Qazirgi ýaqytta Aýyl sharýashylyǵyn qarjylyq qoldaý qoryna sheshimder hattamalary berildi. Olardy qaraǵan soń qarjy uiymy qaryz alýshylarmen qaryz alý jáne aqsha quraldaryn odan ári aýdarýǵa arnalǵan kepil shartyn jasaidy. Sonymen qatar mikronesieleý baǵdarlamasy boiynsha qor 62 ótinim jóninde qarjy-ekonomikalyq taldaý, zańgerlik saraptama júrgizedi. Jaǵymdy sheshim shyqqan jaǵdaida jobalardy Nesie komitetiniń músheleri qaraidy.
Atap ótelik, komitettiń alǵashqy májilisinde jalpy somasy 75 mln. teńgeden astam 20 ótinim qaraldy jáne maquldandy. Bul jobalardyń barlyǵy óńirdiń qyzylsha salasyn damytýǵa baǵyttalǵan. Mikroiesieleý baǵdarlamasynyń basty ereksheligi – jer ýchaskelerin, turǵyn úi qurylystaryn jáne basqadai múlikti kepil retinde qaraý. Sondai-aq syiaqy mólsherlemesi jyldyq 6%-dy quraidy, syiaqynyń jyldyq tiimdi mólsherlemesi 6,7% aspaidy.
"QmD" aqparat
