اتالمىش جوبانىڭ ىسكە اسۋىنا 18 ملرد تەڭگەدەن استام قارجى بولىنگەن. بۇگىنگى تاڭدا ءبىرىنشى باعىت بويىنشا 135 ادام قىسقا مەرزىمدى وقىتۋدان ءوتىپ جاتىر.
كاسىپ باستاپ، جەكە بيزنەس يەسى اتانۋعا ىقىلاس تانىتقان 1100 كاسىپكەرگە شاعىن نەسيە بەرىلىپ، 27 مىڭنان استام ادام قوعامدىق جۇمىستارعا تارتىلماق.
مامانداردىڭ ايتۋىنشا، باعدارلاماعا قاتىسۋ ەرەجەلەرى وتكەن جىلمەن سالىستىرعاندا ءبىرشاما جەڭىلدەگەن. ەندىگىدە نەسيە الۋ ءۇشىن جەكە كاسىپكەرلىك رەتىندە تىركەۋدىڭ ەش قاجەتى جوق. بار بولعانى ءبىرىڭعاي جيىنتىق تولەم جاساساڭىز جەتكىلىكتى.
ال كوپبالالى جانە الەۋمەتتىك تۇرعىدان از قامتىلعان وتباسىلار گرانت الۋ ءۇشىن بۇرىنعىداي «باستاۋ» كۋرسىنان وتپەيدى.
– قىسقا مەرزىمدى وقىتۋ ءبىتىرۋدىڭ دە قاجەتى جوق. بارىپ، ارىزىن تاپسىرسا قارجىلاي گرانت الا الادى. مۇنى «ەڭبەك» باعدارلاماسىنىڭ شەڭبەرىندەگى ماڭىزدى وزگەرىس دەپ اتاۋعا بولادى. سونىمەن قاتار، جاستاردى جاستار تاجىريبەسىنە جولداپ جاتىرمىز. قازىرگى ۋاقىتتا 477 تۇلەك جاستار پراكتيكاسىنان وتۋدە، – دەيدى وبلىستىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باقىت توقتار قىزى.
انار سابىروۆا، الماتى وبلىسى.
