بيىلعى جىلى وبلىستىق ماڭىزى بار اۆتوموبيل جولدارىندا ءقاۋىپسىز جانە ءۇزىلىسسىز قوزعالىستى قامتاماسىز ەتۋ ماقساتىنا 17 359،815 ملن.تەڭگە قاراستىرىلعان، ونىڭ ىشىندە رەسپۋبليكالىق بيۋدجەتتەن - 6 374،117 ملن.تەڭگە، ال جەرگىلىكتى بيۋدجەتتەن 10 985،698 ملن.تەڭگە ءبولىندى. بۇل تۋرالى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىندە ايتىلدى.

بولىنگەن قارجى 23 كم اۆتوجولدىڭ قۇرىلىسى مەن قايتا جاڭعىرتىلۋىنا جۇمسالادى، سول سياقتى جسق مەن تەن دايىنداۋعا – 3 337، 957 ملن. تەڭگە؛ 55،2 كم اۆتوجول مەن 4 كوپىردى كۇردەلى جوندەۋگە جانە جسق ازىرلەۋگە – 5 078،484 ملن. تەڭگە؛ 148،5 كم جولدىڭ، سۋ جىبەرەتىن قۇبىرلاردىڭ ورتاشا جوندەۋىنە جانە تەحنيكالىق قۇجاتتارىن دايىنداۋعا – 6 586،117 ملن. تەڭگە، سول سياقتى وبلىستىڭ 17 اۋدانى مەن 2 قالاسىنىڭ جولدارىنا اعىمداعى جوندەۋ جۇرگىزۋ مەن كۇتىپ ۇستاۋ شارالارىنا 2 357،257 ملن. تەڭگە باعىتتالادى.

اتاپ وتسەك، الماتى وبلىسىنداعى وبلىستىق ماڭىزى بار جولداردىڭ جالپى ۇزىندىعى - 6138،6 شاقىرىم. 2019 جىلدىڭ 1 قاڭتارىنداعى جاعداي بويىنشا جاقسى جانە قاناعاتتانارلىق دەڭگەيدەگى وبلىستىق ماڭىزى بار اۆتوكولىك جولدارىنىڭ ۇلەسى 78،1 % بولدى، جىل سوڭىنا دەيىن بۇل كورسەتكىش 78،5 %-كە جەتەدى دەپ جوسپارلانىپ وتىر.

جالپى الماتى وبلىسىندا جەرگىلىكتى ماڭىزداعى جولداردى سالۋ مەن جوندەۋگە جىل سايىن 30 ملرد. تەڭگەگە جۋىق قارجى بولىنەدى.

 

الماتى وبلىسى اكىمىنىڭ باسپا ءسوز قىزمەتى