جەتٸسۋدا بۇعان دەيٸن قولعا الىنباعان فارماتسەۆتيكا سالاسى دامي باستادى
باعدارلامانىڭ ارقاسىندا ٶڭٸردە ەكونوميكاداعى ٶڭدەۋ سەكتورىنىڭ ٷلەسٸ 20%-عا دەيٸن ٶسٸپ, بۇرىن سوڭدى ٶڭٸردە بولماعان جاڭا – فارماتسەۆتيكا سالاسى جانداندى.
الدا شيكٸزاتتىق ەمەس سەكتوردىڭ ەكسپورتىمەن اينالىسۋ مٸندەتٸ تۇر. بۇل تۋرالى كەشە ٶڭٸردٸڭ اكتيۆ جيىنىندا وبلىس ەكٸمٸ اماندىق باتالوۆ ايتتى.
اماندىق باتالوۆ ٷكٸمەتتٸڭ كەڭەيتٸلگەن وتىرىسىندا پرەزيدەنتتٸڭ «قاراپايىم زاتتار ەكونوميكاسىنىڭ» ەلەۋەتٸن تولىققاندى پايدالانۋ تۋرالى ايتقانىن ەسكە سالدى. باسىم جوبالارعا قولجەتٸمدٸ نەسيە بەرۋ باعدارلاماسىمەن وبلىستا بٷگٸنگٸ كٷنٸ نەبارى بەس عانا جوبا بانكتەردٸڭ ماقۇلداۋىن السا, تاعى ٷشەۋٸ قاراستىرىلۋ ٷستٸندە.
وبلىس ەكٸمٸ بۇل كٶرسەتكٸشتٸڭ جەتٸسۋ ٶڭٸرٸ ٷشٸن تىم از ەكەنٸن سىنعا الىپ, ورىنباسارى ب.مانزوروۆقا, كەسٸپكەرلٸك باسقارماسى مەن اۋدان, قالا ەكٸمدەرٸنە «قاراپايىم زاتتار ەكونوميكاسى» بويىنشا جۇمىسقا بەلسەنە كٸرٸسۋ كەرەكتٸگٸن قاتاڭ ەسكەرتتٸ.
پرەزيدەنت جٷكتەگەن مٸندەتتەردٸڭ بٸرٸ – جاڭا جۇمىس ورىندارىن اشۋ. ٶتكەن جىلى وبلىستا 26 مىڭ جۇمىس ورنىن قۇرۋ جوسپارلانسا, ٸس جٷزٸندە 31 مىڭنان استامى اشىلدى.
– «ەڭبەك» باعدارلاماسىنىڭ تيٸمدٸلٸگٸن كٶتەرۋٸمٸز كەرەك, ساپالى, تۇراقتى جۇمىس ورىندارىن قۇرۋعا جۇمىس ٸستەۋگە تيٸسپٸز. تۇرعىنداردىڭ كٸرٸسٸ ارتسا, تابىسى ٶسسە, حالىقتىڭ ەل-اۋقاتىن ودان ەرٸ جاقسارتۋعا زور سەپتٸگٸ تيەدٸ. سوندىقتان وبلىستىق باسقارمالار باسشىلارىنا, اۋدان, قالا ەكٸمدەرٸنە تۇراقتى جۇمىس ورىندارىنىڭ قۇرىلۋىنا باعىتتالعان نەتيجەلٸ شارالاردى قولعا الۋدى تاپسىرامىن, – دەدٸ ا. باتالوۆ.
الماتى وبلىسى ەكٸمٸنٸڭ باسپاسٶز قىزمەتٸ
