جەتٸسۋ وبلىسىندا «تالدىقورعان – ٷشارال» ماگيسترالدى گاز قۇبىرىنىڭ قۇرىلىسى جوسپارلانعان مەرزٸمٸنەن بۇرىن اياقتالدى. بٷگٸن رەسپۋبليكا كٷنٸ قارساڭىندا «ٷشارال» اۆتوماتتى گاز تاراتۋ ستانتسيياسىندا سالتاناتتى ٸس-شارا ٶتٸپ, وندا جوبا اياسىنداعى التى اۆتوماتتى گاز تاراتۋ ستانتسيياسىندا (اگتس) بٸر مەزگٸلدە كٶگٸلدٸر وتىن الاۋى جاعىلدى. بۇل ينۆەستيتسييالىق جوبانى مەملەكەت باسشىسىنىڭ تاپسىرماسى بويىنشا «QazaqGaz» ۇلتتىق كومپانيياسى ٸسكە اسىردى, دەپ حابارلايدى Dalanews.kz.
اتاپ ٶتسەك, «تالدىقورعان – ٷشارال» ماگيسترالدى گاز قۇبىرى قۇبىرىنىڭ قۇرىلىسى ٶتكەن جىلدىڭ تامىز ايىندا باستالعان. جوبانى ٸسكە اسىرۋ بارىسىندا 302,4 كم گاز قۇبىرى تارتىلدى. سونداي-اق 6 گاز قۇبىرى-بۇرماسى جەنە «قاپال», «جانسٷگٸروۆ», «سارقان», «قويلىق», «قابانباي» جەنە «ٷشارال» 6 اۆتوماتتى گاز تاراتۋ ستانتسيياسى سالىندى. جوبانىڭ ٸسكە اسىرىلۋى ارقاسىندا اقسۋ, سارقان, الاكٶل اۋداندارىنىڭ 80-نەن استام ەلدٸ مەكەنٸندەگٸ 130 مىڭنان استام تۇرعىنعا كٶگٸلدٸر وتىن بەرٸلەدٸ. ول ٷشٸن جەرگٸلٸكتٸ جەرلەرگە گاز تارتۋدىڭ جوبالىق-سمەتالىق قۇجاتتارى ەزٸرلەنۋدە, كەلەسٸ جىلدان قۇرىلىس جۇمىستارى باستالادى.
- «تالدىقورعان – ٷشارال» ماگيسترالدى گاز قۇبىرى قۇرىلىسىنىڭ مەرزٸمٸنەن بۇرىن اياقتالۋىنا ىقپال ەتكەن «QazaqGaz» كومپانيياسىنا جەتٸسۋ وبلىسىنىڭ تۇرعىندارى اتىنان العىسىمدى بٸلدٸرەمٸن. بٸز الداعى ۋاقىتتا دا ٶڭٸردٸ گازداندىرۋدى ەرٸ قاراي جالعاستىرامىز. ٶيتكەنٸ تابيعي گاز بەرۋ – حالىقتىڭ ٶمٸر سٷرۋ دەڭگەيٸن ارتتىرۋمەن قاتار, ەكونوميكاعا ٷلكەن ەسەر ەتەتٸن ستراتەگييالىق باسىمدىقتىڭ بٸرٸ. ەڭ الدىمەن گازعا اۋرۋحانا, ەمحانا, مەكتەپ, بالاباقشا, مەدەنيەت ٷيلەرٸ, سپورت نىساندارى سەكٸلدٸ ەلەۋمەتتٸك نىسانداردى قوسامىز. تۇرعىنداردىڭ دا كٶگٸلدٸر وتىنعا قوسىلۋىنا مٷمكٸندٸك جاسالادى. وعان قوسا ٶنەركەسٸپتٸڭ, شاعىن جەنە ورتا بيزنەستٸڭ دامۋىنا ىقپال ەتٸپ, جاڭا جۇمىس ورىندارىنىڭ قۇرىلۋىنا جول اشادى, - دەدٸ ب. يساباەۆ.
ٶز كەزەگٸندە «سامۇرىق-قازىنا» ۇەق» اق ستراتەگييا جەنە اكتيۆتەردٸ باسقارۋ جٶنٸندەگٸ باسقارۋشى ديرەكتورى ەلجاس وتىنشيەۆ اتالعان جوبانىڭ ەلەۋمەتتٸك ماڭىزدىلىعىنا توقتالدى.
- «سامۇرىق-قازىنا» قورى ەكونوميكانىڭ تٷرلٸ سالاسىندا, ەسٸرەسە مۇناي-گاز, ەنەرگەتيكا باعىتىندا اۋقىمدى باستامالاردى جٷزەگە اسىرۋدا. سونداي جوبالاردىڭ بٸرٸ – «تالدىقورعان-ٷشارال» گاز قۇبىرى. بۇل - ٶتە ماڭىزدى جوبا. ەلگە گاز كەلسە, حالىقتىڭ ەلەۋمەتتٸك جاعدايى جاقسارادى. ەكولوگييا جاقسارادى. ٶڭٸرگە ينۆەستيتسييا قۇيىلادى, - دەدٸ ول.
مۇنان سوڭ سٶز العان «QazaqGaz» ۇك» اق باسقارما تٶراعاسىنىڭ ستراتەگييا جەنە ينۆەستيتسييالار جٶنٸندەگٸ ورىنباسارى اكبار تٶلەگەنوۆ جاڭا گاز قۇبىرىنىڭ جەلٸلٸك بٶلٸگٸ مەن بٸر مەزگٸلدە قاتار سالىنعان اگتس-تٸڭ قۇرىلىس جۇمىستارىنىڭ بارىسى ەرەكشە باقىلاۋدا بولعانىن باسا ايتتى.
- سونىڭ نەتيجەسٸندە جاڭا گاز قۇبىرى جەنە بارلىق 6 اگتس جوسپارلانعان مەرزٸمنەن بٸر جىل تٶرت ايعا ەرتە دايىن بولدى. وسىلايشا, «QazaqGaz» وسى ٶڭٸردٸ گازداندىرۋدىڭ ٸرگەتاسىن قالاپ, جۇمىستىڭ نەگٸزگٸ كٶپ ەڭبەكتٸ قاجەت ەتەتٸن بٶلٸگٸن ورىندادى. قازٸرگٸ ۋاقىتتا گاز قۇبىرىنىڭ تاراتۋ جەلٸلەرٸن سالۋ بويىنشا قۇرىلىس-مونتاجداۋ جۇمىستارىنا ارنالعان قۇجاتتار بويىنشا مەملەكەتتٸك ساراپتامانىڭ وڭ قورىتىندىسىن كٷتٸپ وتىرمىز, - دەي كەلە اكبار تٶلەگەنوۆ اۋدان تۇرعىندارىن قۋانىشتارىمەن قۇتتىقتاپ, تٸلەگٸن بٸلدٸردٸ.
وسى جيىندا «قاپال», «جانسٷگٸروۆ», «سارقان», «قويلىق», «قابانباي» اگتس-تارى تەلەكٶپٸر ارقىلى قوسىلىپ, ستانتسييالار الاۋىن جاقتى, سوڭىندا «ٷشارال» اگتس-ىندا ٸسكە قوسۋ تەتٸگٸ باسىلىپ, الاۋ لاۋلادى.
شارانىڭ رەسمي بٶلٸگٸنەن كەيٸن وبلىس ەكٸمٸ جينالعان اۋدان حالقىمەن تٸلدەستٸ. ٶڭٸردەگٸ گازداندىرۋ, جول جٶندەۋ, تۇرعىن ٷي قۇرىلىسى, ەلدٸ مەكەندەردٸ اباتتاندىرۋ سيياقتى اتقارىلىپ جاتقان ماڭىزدى ٸستەر جايلى قىسقاشا بايانداپ بەردٸ. بۇل شارالاردىڭ بارلىعى ٸس جٷزٸندە حالىق قولمەن ۇستاپ, كٶزبەن كٶرەتٸن ناقتى شارالاردىڭ جەمٸسٸ ەكەنٸن ايتتى. اۋدان تۇرعىندارى ساتاي بەكبولاتوۆ, قوڭىرجاي قىستالاسوۆا, ۇلداش بيپاجانوۆا, ەرٸك جۋانىشباەۆ جەنە باسقا دا ازاماتتار پٸكٸرلەرٸن بٸلدٸرٸپ, ريزاشىلىقتارىن جەتكٸزدٸ.
سولاردىڭ بٸرٸ ٷشارال قالاسىنىڭ تۇرعىنى ەبەن ساقىپوۆ:
"1980 جىلدان بەرٸ ٷشارالدا تۇرامىن. بٸز وسى كٷندٸ ۇزاق كٷتتٸك. الاكٶل ٶڭٸرٸنٸڭ قىسى قاتتى, كەيدە 7-8 ايعا دەيٸن وت جاعاتىن كەزٸمٸز بولادى. نەمەرەلەرٸمٸز توڭىپ قالماسىن دەپ تاڭ بوزىنان وت جاعامىز. بٸر قىستا سەگٸز تونناعا دەيٸن كٶمٸر جاعامىز, وعان قوسا اعاش وتىن دايىندايمىز. كٶمٸر جاعىپ, كٷلٸن شىعارۋ ەگدە جاستاعى ادامدارعا وڭاي ەمەس. ٶزٸمٸز ٷلكەن كٶشەلەردٸڭ بٸرٸندە تۇراتىندىقتان, گازعا العاشقىلاردىڭ بٸرٸ بولىپ قوسىلۋعا مٷمكٸندٸگٸمٸز بولادى دەپ ويلايمىن. شالعاي اۋدانعا گاز كەلگەنٸنە ريزامىز".
جالپى وبلىستا گازداندىرۋ ٸسٸ ٶڭٸردە قارقىندى جٷرگٸزٸلٸپ جاتىر. مەسەلەن, وبلىس قۇرىلعان كەزدە تەك 5 ەلدٸ مەكەن گازداندىرىلسا (27%), اتقارىلعان جۇمىستاردىڭ نەتيجەسٸندە بٷگٸندە 84 ەلدٸ مەكەننٸڭ 404 مىڭنان استام تۇرعىنى كٶگٸلدٸر وتىنعا قول جەتكٸزدٸ (58,2%). جىل سوڭىنا دەيٸن پانفيلوۆ – كەربۇلاق – تالدىقورعان ارالىعىنداعى تاعى 42 ەلدٸ مەكەن گازبەن قامتىلىپ, گازداندىرۋ دەڭگەيٸ 72% جەتەدٸ (126 ەلدٸ مەكەن). ال 2027 جىلدىڭ سوڭىنا قاراي وبلىستا گازداندىرۋعا جاتاتىن 200-دەن استام ەلدٸ مەكەننٸڭ 630 مىڭ تۇرعىنى گازعا قوسىلۋعا مٷمكٸندٸك الادى (91%).
