جاستار سپورت مەكەمەلەرىنىڭ اكىمشىلىك قىزمەتكەرلەرىنە جالاقىنى زاڭسىز ارتتىرۋ ناتيجەسىندە مەملەكەتكە 604،6 ميلليون تەڭگە كولەمىندە شىعىن كەلگەن، دەپ حابارلايدى Dalanews.kz. 

سىبايلاس جەمقورلىققا قارسى ءىس-قيمىل اگەنتتىگىنىڭ جەتىسۋ وبلىسى بويىنشا دەپارتامەنتىنىڭ باسشىسى سايان احمەتجانوۆتىڭ ايتۋىنشا، سپورت سالاسىنا بولىنگەن قارجىنى يگەرۋ بارىسىندا ءبىرقاتار زاڭبۇزۋشىلىقتار ورىن العان. اكىمشىلىك قىزمەتكەرلەر مەن جاتتىقتىرۋشىلار نەگىزسىز ۇستەمە قارجى الىپ كەلگەن.

"سپورت كلۋبتارىنىڭ اكىمشىلىك قىزمەتكەرلەرىنە ولاردىڭ لاۋازىمدىق قىزمەتىنە سايكەس كەلمەيتىن جالاقى تولەنگەن. بۇل سوما 604،6 ميلليون تەڭگەگە جەتكەن. بۇعان قوسا، زاڭسىز تاعايىندالعان سىياقىلار دا انىقتالدى. ريەۆيزيالىق كوميسسيا قازىرگى تاڭدا 737 ميلليون تەڭگەنى مەملەكەتكە قايتارۋ تۋرالى شەشىم قابىلدادى،" – دەدى سايان احمەتجانوۆ.

سونداي-اق، سپورتتى دامىتۋ ديرەكسياسى ارقىلى چەمپيوندارعا كوتەرمە سىياقى رەتىندە بولىنگەن 84 ميلليون تەڭگە دە زاڭسىز دەپ تانىلىپ، قىسقارتىلعان.

"ءبىزدىڭ ۇسىنىستارىمىز نەگىزىندە جەرگىلىكتى اتقارۋشى ورگان ەڭبەكاقى قورىن قايتا قاراپ، ونى ق ر پپ №1193 ستاندارتتارىنا سايكەستەندىردى،" – دەپ تولىقتىردى احمەتجانوۆ.

قازىرگى ۋاقىتتا قارجىنىڭ ماقساتتى جانە زاڭعا سايكەس پايدالانىلۋىن قامتاماسىز ەتۋ بويىنشا جۇمىستار جالعاسۋدا.