جەتىسۋ وبلىسى بويىنشا باسەكەلەستىكتى قورعاۋ جانە دامىتۋ اگەنتتىگىنىڭ (بقدا) دەپارتامەنتى حالىقارالىق شەكارا ماڭى ىنتىماقتاستىعى ورتالىعى (حشىو) «قورعاس» ەنشىلەس ءۇش كومپانياسىنىڭ باسەكەلەستىككە قايشى ارەكەتتەرىن انىقتادى، دەپ حابارلايدى Dalanews.kz.
اتاپ ايتقاندا، «قورعاس-كوممەرس» ج ش س، «قورعاس-ەنەرگو» ج ش س جانە «قورعاس-سەرۆيس» ءجشس-نىڭ قىزمەتىندە مونوپولياعا قارسى زاڭنامانى بۇزۋ فاكتىلەرى تىركەلدى.
رەسمي اقپاراتقا سايكەس، سوت شەشىمىنەن كەيىن بۇل كاسىپورىندار بۇرىنعى فورماتتا جۇمىسىن توقتاتتى.
انتيمونوپوليالىق ورگان بۇل كومپانيالاردى جەكەشەلەندىرۋدى جانە ولاردى باسەكەلەستىك ورتاعا بەرۋدى ۇسىندى، بۇل ولاردىڭ نارىقتىق جاعدايلاردا قىزمەتىن جالعاستىرۋىنا مۇمكىندىك بەرەدى.
بۇعان دەيىنگى ۇقساس جاعدايلار
ەسكە سالا كەتەيىك، بۇعان دەيىن “قازاقستان تەمىر جولى” ۇلتتىق كومپانياسىنىڭ ەنشىلەس كومپانياسى «KTZ EXPRESS» اق زاڭسىز تاپقان تابىسى ءۇشىن ايىپپۇل ارقالاعان ەدى.
باسەكەلەستىكتى قورعاۋ جانە دامىتۋ اگەنتتىگىنىڭ مالىمەتىنشە، 2021 جىلى كومپانيا كولىك-ەكسپەديتورلىق قىزمەتتەر ءۇشىن بەلگىلەنگەن كوميسسيالىق تولەمدەردى 30%-عا دەيىن كوتەرگەن. تەرگەۋ ناتيجەسىندە 10 114 304،84 تەڭگە زاڭسىز تابىس رەتىندە تاركىلەنىپ، 853 379،7 تەڭگەكولەمىندە ايىپپۇل سالىندى.
سوتتىڭ شەشىمىمەن “KTZ EXPRES” اق باسەكەلەستىك زاڭناماسىن بۇزعانى ءۇشىن جازالاندى.
