Jetisý oblysy boiynsha Básekelestikti qorǵaý jáne damytý agenttiginiń (BQDA) departamenti Halyqaralyq shekara mańy yntymaqtastyǵy ortalyǵy (HShYO) «Qorǵas» enshiles úsh kompaniiasynyń básekelestikke qaishy áreketterin anyqtady, dep habarlaidy Dalanews.kz.
Atap aitqanda, «Qorǵas-Kommerts» JShS, «Qorǵas-Energo» JShS jáne «Qorǵas-Servis» JShS-niń qyzmetinde monopoliiaǵa qarsy zańnamany buzý faktileri tirkeldi.
Resmi aqparatqa sáikes, sot sheshiminen keiin bul kásiporyndar burynǵy formatta jumysyn toqtatty.
Antimonopoliialyq organ bul kompaniialardy jekeshelendirýdi jáne olardy básekelestik ortaǵa berýdi usyndy, bul olardyń naryqtyq jaǵdailarda qyzmetin jalǵastyrýyna múmkindik beredi.
Buǵan deiingi uqsas jaǵdailar
Eske sala keteiik, buǵan deiin “Qazaqstan temir joly” ulttyq kompaniiasynyń enshiles kompaniiasy «KTZ EXPRESS» AQ zańsyz tapqan tabysy úshin aiyppul arqalaǵan edi.
Básekelestikti qorǵaý jáne damytý agenttiginiń málimetinshe, 2021 jyly kompaniia kólik-ekspeditorlyq qyzmetter úshin belgilengen komissiialyq tólemderdi 30%-ǵa deiin kótergen. Tergeý nátijesinde 10 114 304,84 teńge zańsyz tabys retinde tárkilenip, 853 379,7 teńgekóleminde aiyppul salyndy.
Sottyń sheshimimen “KTZ EXPRES” AQ básekelestik zańnamasyn buzǵany úshin jazalandy.
