2025 جىلعى 12 تامىز كٷنٸ ساعات 17:00-دە سارقان اۋدانى ەكٸاشا اۋىلىنداعى "كٸشٸ باسقان" ٶزەنٸندە ورنالاسقان ۆب گەس-2 ستانتسيياسىندا سۋ قۇبىرى جارىلىپ, جەرگٸلٸكتٸ دەڭگەيدە اپات بولدى. اپات ۆيدەوسى ەلەۋمەتتٸك جەلٸدە تاراپ, كەيبٸر تۇرعىنداردىڭ الاڭداۋشىلىعىن تۋدىردى. الايدا وبلىستىق ەكٸمدٸك ناقتى جاعداي جەلٸدە تارالعان مەلٸمەتتەردەن ەدەۋٸر ٶزگەشە ەكەنٸن ايتادى, دەپ حابارلايدى Dalanews.kz.
وقيعا ورنىنا كەلگەن "Baskan Power" جشس-نٸڭ قاۋٸپسٸزدٸك ماماندارى جەدەل تٷردە جوعارعى سۋ قابىلداعىشتان سۋ بەرۋدٸ توقتاتىپ, سۋدىڭ ستانتسييا اۋماعىنان تىس جەرگە تارالۋىنىڭ الدىن الدى. ۋاقىتىلى قابىلدانعان شارالاردىڭ ارقاسىندا ٶزەن ماڭىنداعى تۇرعىن ٷيلەر زارداپ شەككەن جوق, حالىق پەن ەكولوگييالىق قاۋٸپسٸزدٸككە قاتەر تۋىنداعان جوق.
"Baskan Power" جشس تەحنيكالىق ديرەكتورى دانييار دوساباەۆ بىلاي دەپ مەلٸمدەدٸ:
"تەحنولوگييالىق تۇرعىدا قۇبىردىڭ جارىلۋى ورىن الىپ, سونىڭ سالدارىنان سۋ گەس عيماراتتارى ارقىلى جەنە سىرتقى بەتكە شىعارىلدى. گەس-تٸڭ جەدەل كەزەكشٸ قىزمەتكەرلەرٸ ەلەكتر قۋاتىن اجىراتىپ, سۋ بەرۋدٸ توقتاتتى, ال ساعات 18:00-دە قۇبىر تولىقتاي سۋسىزداندىرىلدى. سۋدى سورىپ شىعارۋ جۇمىستارى باستالدى, بٷگٸندە عيمارات ٸشٸندەگٸ سۋ تولىعىمەن سورىلىپ شىعارىلدى, قازٸر اپاتتىق-قالپىنا كەلتٸرۋ جۇمىستارى جٷرگٸزٸلۋدە. سۋ اتقىلاۋى كەزٸندە جەرگٸلٸكتٸ حالىققا زييان كەلگەن جوق, تۇرعىن ٷيلەر مەن قوجالىقتاردى سۋ باسۋ بولعان جوق, ەكولوگييالىق قاۋٸپ جوق, سۋ تولىعىمەن ٶزەن ارناسىنا قايتتى".
"Baskan Power" جشس-دا شامامەن 90 ادام جۇمىس ٸستەيدٸ, ولاردىڭ بارلىعى – جەرگٸلٸكتٸ تۇرعىندار.
"تۇرعىنداردى تەك رەسمي دەرەككٶزدەردەگٸ تەكسەرٸلگەن اقپاراتقا سەنۋگە جەنە نەگٸزسٸز دٷربەلەڭ تۋدىرۋى مٷمكٸن راستالماعان مەلٸمەتتەردٸ تاراتپاۋعا شاقىرامىز. بارلىق قىزمەتتەر قالىپتى رەجيمدە جۇمىس ٸستەپ جاتىر", دەگەن وبلىس ەكٸمدٸگٸ وقيعا ورنىنان ۆيدەو دا ۇسىندى. وندا الدىنداعى جەلٸدەگٸ ۆيدەوداعىداي گٷرٸلدٸگەن سۋدان بٸر تامشى دا جوق.
