جەتٸسۋ وبلىسىندا وسىنداي قىلمىسقا بارعان كٷدٸكتٸنٸ پوليتسەيلەر كٶپكە ۇزاتپاي قولعا تٷسٸردٸ. ەر ادام الاكٶل اۋداندىق مەسليحاتىنىڭ دەپۋتاتى دەۋرەن سلياموۆتى پىشاقتاپ تاستاعان.
پوليتسييا قىلمىسقا سلياموۆتىڭ قىزمەتٸنٸڭ قاتىسى جوق دەپ وتىر. دەۋرەن سلياموۆ كەزدەيسوق كيكٸلجٸڭ كەزٸندە اجال قۇشىپتى. ٷشارالداعى سالىنىپ جاتقان نىسانداردىڭ بٸرٸندە جۇمىسشىلار تٶبەلەسٸپ, دەپۋتات اراشا تٷسكەن كٶرٸنەدٸ. سول كەزدە سۋىق قارۋىن الا جٷگٸرگەن قاسكٶي, پىشاعىن سلياموۆقا سۇعىپ العان. 37 جاستاعى ازامات وقيعا ورنىندا تٸل تارتپاي كەتتٸ.
"كٷدٸكتٸ 24 جاستاعى جەرگٸلٸكتٸ تۇرعىن ەكەنٸ انىقتادى. ول وقيعا ورنىنان قاشىپ كەتكەن. ۇستالعان ادام الاكٶل اۋدانى پوليتسييا بٶلٸمٸنٸڭ ۋاقىتشا ۇستاۋ يزولياتورىنا قامالدى. ۋعا الىندى. قاجەتتٸ ساراپتامالار تاعايىندالىپ, قىلمىستىق ٸس قوزعالدى. تەرگەۋ مٷددەسٸ ٷشٸن ٶزگە اقپارات جارييالانبايدى", - دەيدٸ جەتٸسۋ وبلىسى پد تەرگەۋ باسقارماسىنىڭ باستىعى نۇربولات شامۋ.
