Jetisý oblysynda osyndai qylmysqa barǵan kúdiktini politseiler kópke uzatpai qolǵa túsirdi. Er adam Alakól aýdandyq máslihatynyń depýtaty Dáýren Sliamovty pyshaqtap tastaǵan.
Politsiia qylmysqa Sliamovtyń qyzmetiniń qatysy joq dep otyr. Dáýren Sliamov kezdeisoq kikiljiń kezinde ajal qushypty. Úsharaldaǵy salynyp jatqan nysandardyń birinde jumysshylar tóbelesip, depýtat arasha túsken kórinedi. Sol kezde sýyq qarýyn ala júgirgen qaskói, pyshaǵyn Sliamovqa suǵyp alǵan. 37 jastaǵy azamat oqiǵa ornynda til tartpai ketti.
"Kúdikti 24 jastaǵy jergilikti turǵyn ekeni anyqtady. Ol oqiǵa ornynan qashyp ketken. Ustalǵan adam Alakól aýdany politsiia bóliminiń ýaqytsha ustaý izoliatoryna qamaldy. ýǵa alyndy. Qajetti saraptamalar taǵaiyndalyp, qylmystyq is qozǵaldy. Tergeý múddesi úshin ózge aqparat jariialanbaidy", - deidi Jetisý oblysy PD Tergeý basqarmasynyń bastyǵy Nurbolat Shamý.
