جاڭا وقۋ جىلىنىڭ باسى مەكتەپ جاسىنداعى بالالاردى مەكتەپكە دايارلىقتان باستاۋ الاتىنى اقيقات. جىلدا اتا-انالار  بالالارىنا قاجەتتى كيىم-كەشەك پەن قۇرال-جابدىقتاردى الىپ باستايدى. باعاسى مىڭ قۇبىلعان زاماندا بازاردان قالتاعا سالماق سالمايتىن زاتتى تابۋ قيىن. اسىرەسە كوپ بالالى جانە از قامتىلعان وتباسى ءۇشىن ۇيەمەلى-سۇيەمەلى بالالاردىڭ بارلىعىنا دەرلىك قاجەتتى زاتىن الىپ بەرۋ وڭايعا سوقپاسى انىق.

سوندىقتاندا مەملەكەت جىل سايىن بالالاردى وقۋمەن قامتۋ، الەۋمەتتىك قورعالماعان وتباسىلاردان شىققان وقۋشىلاردى قولداۋ ماقساتىندا «مەكتەپكە جول» رەسپۋبليكالىق قايىرىمدىلىق اكسياسى 1 تامىز – 30 قىرقۇيەك ارالىعىندا وتكىزەدى. اتالمىش ناۋقان بيىل دا داستۇردەن جاڭىلماي جالعاسىن تابۋدا.

بۇگىندە جەتىسۋ وبلىسىنداعى اۋدان، قالالاردا كومەككە مۇقتاج بالالاردىڭ ءتىزىمى جاسالىپ، اكسيانى ۇيىمداستىرۋ جۇمىستارى جوسپارعا سايكەس جۇرگىزىلۋدە. ايتا كەتەرلىگى جەتىسۋ وبلىسىندا 32663 – كوپ بالالى، 12398 – از قامتىلعان، 775 – جەتىم جانە اتا-اناسىنىڭ قامقورلىعىنسىز قالعان بالا بار.

ورتا ءبىلىم بەرۋدى دامىتۋ، قورعانشىلىق جانە قامقورشىلىق، تاربيە جۇمىسى ءبولىمىنىڭ باسشىسىنىڭ مىندەتىن اتقارۋشى گۇلميرا احمەتوۆانىڭ ايتۋىنشا، «بالالارعا جاقسىلىق سىيلا!»، «اۋىل بالالارىنا – مەكتەپكە سىيلىقتار»، «وتباسى وتباسىنا كومەكتەسەدى:  بالانى مەكتەپكە جينايىق!» قايىرىمدىلىق اكسيالارىن ۇيىمداستىرىپ، اتاۋلى كومەك كورسەتۋ ءۇشىن مەكتەپكە دايىندىق كەزىندە قولداۋدى قاجەت ەتەتىن وقۋشىلارعا مەملەكەتتىك ورگاندار مەن ۇيىمداردىڭ، بيزنەس-قۇرىلىمدارى بەكىتىلۋدە.

بيىل جەتىسۋ وبلىسى بويىنشا 14 000-نان اسا بالا 360 ملن  تەڭگەگە قىستىق كيىم، مەكتەپ فورماسى جانە مەكتەپكە قاجەتتى قۇرال-جابدىقتارمەن قامتاماسىز ەتىلمەك.