Sondyqtanda memleket jyl saiyn balalardy oqýmen qamtý, áleýmettik qorǵalmaǵan otbasylardan shyqqan oqýshylardy qoldaý maqsatynda «Mektepke jol» respýblikalyq qaiyrymdylyq aktsiiasy 1 tamyz – 30 qyrqúiek aralyǵynda ótkizedi. Atalmysh naýqan biyl da dástúrden jańylmai jalǵasyn tabýda.
Búginde Jetisý oblysyndaǵy aýdan, qalalarda kómekke muqtaj balalardyń tizimi jasalyp, aktsiiany uiymdastyrý jumystary josparǵa sáikes júrgizilýde. Aita keterligi Jetisý oblysynda 32663 – kóp balaly, 12398 – az qamtylǵan, 775 – jetim jáne ata-anasynyń qamqorlyǵynsyz qalǵan bala bar.
Orta bilim berýdi damytý, qorǵanshylyq jáne qamqorshylyq, tárbie jumysy bóliminiń basshysynyń mindetin atqarýshy Gúlmira Ahmetovanyń aitýynsha, «Balalarǵa jaqsylyq syila!», «Aýyl balalaryna – mektepke syilyqtar», «Otbasy otbasyna kómektesedi: balany mektepke jinaiyq!» qaiyrymdylyq aktsiialaryn uiymdastyryp, ataýly kómek kórsetý úshin mektepke daiyndyq kezinde qoldaýdy qajet etetin oqýshylarǵa memlekettik organdar men uiymdardyń, biznes-qurylymdary bekitilýde.
Biyl Jetisý oblysy boiynsha 14 000-nan asa bala 360 mln teńgege qystyq kiim, mektep formasy jáne mektepke qajetti qural-jabdyqtarmen qamtamasyz etilmek.
