بۇل جايىندا بٷگٸن استانا قالاسىندا قر پرەزيدەنتٸ جانىنداعى ورتالىق كوممۋنيكاتسييالىق قىزمەتٸ الاڭىندا ٶتكەن بريفينگ كەزٸندە جەتٸسۋ وبلىسىنىڭ ەكٸمٸ بەيبٸت يساباەۆ ايتتى, – دەپ حابارلايدى جەتٸسۋ وبلىسى ەكٸمٸنٸڭ باسپاسٶز قىزمەتٸ.
سپيكەردٸڭ سٶزٸنە سٷيەنسەك, ينفراقۇرىلىمدى دامىتۋ باعىتىندا الاكٶل مەن بالقاش جاعالاۋىنا اپاراتىن «تالدىقورعان – ٶسكەمەن» جولىنىڭ 287-615 شاقىرىمى, «ٷشارال-دوستىق» جولى, «لەپسٸ - بالقاش جاعالاۋى» جولىنىڭ 27 شاقىرىمى, «الماتى-ٶسكەمەن-لەپسٸ-اقتوعاي» 110 شاقىرىمىنىڭ قۇرىلىسى كەلەسٸ جىلدىڭ سوڭىندا تولىق بٸتەدٸ. سونىمەن قاتار كەلەسٸ جىلى بالقاش كٶلٸ جاعاسىندا ينجەنەرلٸك-كوممۋنيكاتسييالىق جەلٸلەردٸڭ قۇرىلىسى باستالادى.
«ەكولوگييالىق تۋريزمدٸ دامىتۋ ٷشٸن بيىل «التىنەمەل» ۇلتتىق پاركٸ اۋماعىندا قۇنى 2 ملرد. تەڭگە تۇراتىن ۆيزيت-ورتالىعى سالىندى. شاڭعى-بياتلون كەشەنٸن تۇرعىزۋدىڭ, بۇرحانبۇلاق سارقىراماسىنا دەيٸنگٸ جولدى جٶندەۋدٸڭ جوبالىق قۇجاتتاماسى ەزٸرلەنۋدە. شوقان ۋەليحانوۆ مۇراجايىنا باراتىن 6,8 شاقىرىم جول ورتاشا جٶندەۋدەن ٶتتٸ, مۇراجايدى قايتا جاڭعىرتۋ اياقتالدى. سارقان اۋدانىندا جاسىلكٶلگە دەيٸنگٸ جولعا ورتاشا جٶندەۋ جٷرگٸزٸلٸپ جاتىر. سونىڭ نەتيجەسٸندە 2024-2025 جىلدارى وبلىس اۋماعىندا تۋريزمدٸ سەرپٸندٸ دامىتۋدىڭ مٷمكٸندٸگٸ ارتادى», – دەدٸ سپيكەر.
جەتٸسۋ وبلىسى ەكٸمٸنٸڭ باسپاسٶز قىزمەتٸ
