Bul jaiynda búgin Astana qalasynda QR Prezidenti janyndaǵy Ortalyq kommýnikatsiialyq qyzmeti alańynda ótken brifing kezinde Jetisý oblysynyń ákimi Beibit Isabaev aitty, – dep habarlaidy Jetisý oblysy ákiminiń baspasóz qyzmeti.
Spikerdiń sózine súiensek, infraqurylymdy damytý baǵytynda Alakól men Balqash jaǵalaýyna aparatyn «Taldyqorǵan – Óskemen» jolynyń 287-615 shaqyrymy, «Úsharal-Dostyq» joly, «Lepsi - Balqash jaǵalaýy» jolynyń 27 shaqyrymy, «Almaty-Óskemen-Lepsi-Aqtoǵai» 110 shaqyrymynyń qurylysy kelesi jyldyń sońynda tolyq bitedi. Sonymen qatar kelesi jyly Balqash kóli jaǵasynda injenerlik-kommýnikatsiialyq jelilerdiń qurylysy bastalady.
«Ekologiialyq týrizmdi damytý úshin biyl «Altynemel» ulttyq parki aýmaǵynda quny 2 mlrd. teńge turatyn vizit-ortalyǵy salyndy. Shańǵy-biatlon keshenin turǵyzýdyń, Burhanbulaq sarqyramasyna deiingi joldy jóndeýdiń jobalyq qujattamasy ázirlenýde. Shoqan Ýálihanov murajaiyna baratyn 6,8 shaqyrym jol ortasha jóndeýden ótti, murajaidy qaita jańǵyrtý aiaqtaldy. Sarqan aýdanynda Jasylkólge deiingi jolǵa ortasha jóndeý júrgizilip jatyr. Sonyń nátijesinde 2024-2025 jyldary oblys aýmaǵynda týrizmdi serpindi damytýdyń múmkindigi artady», – dedi spiker.
Jetisý oblysy ákiminiń baspasóz qyzmeti
