بٷگٸن ٶسكەمەن قالاسىندا ۆولەيبولدان ەيەلدەر كوماندالارى اراسىندا قازاقستاننىڭ XXXIII چەمپيوناتى مەرەسٸنە جەتٸپ, فينالدا شىعىس قازاقستاننىڭ «بەرەل» كومانداسىنان باسىم تٷسكەن «جەتٸسۋ» كومانداسى ەل چەمپيونى اتاندى. سٶيتٸپ «جەتٸسۋ» كۆك ۇلتتىق ليگا شەبەرلەرٸنٸڭ ەيەلدەر ۆولەيبول كوماندالارى اراسىندا 9 دٷركٸن چەمپيون بولىپ وتىر, - دەپ حابارلايدى جەتٸسۋ وبلىسى ەكٸمٸ باسپاسٶز قىزمەتٸ.
وسىلايشا «جەتٸسۋ» ۆولەيبول قىزدار كوماندارى 2024-2025 جىلدارداعى ماۋسىمدا ٷشٸنشٸ جەڭٸسٸنە قول جەتكٸزٸپ وتىر, ياعني قر چەمپيوناتىن توعىزىنشى رەت, سول سيياقتى كۋبوگىن دا توعىزىنشى مەرتە, سۋپەركۋبوكتى تٶرتٸنشٸ مەرتە ۇتىپ الدى. سۋپەركۋبوك يەلەنۋٸنٸڭ ارقاسىندا فيليپپيندە 18-28 ناۋرىزدا ٶتەتٸن ۆولەيبولدان كلۋبتار اراسىنداعى ازييا چەمپيوناتىنا جولداما الدى.
ەسكە سالساق, ۇلتتىق ليگانىڭ ۆولەيبولدان ەيەلدەر كوماندالارى اراسىندا قازاقستاننىڭ 33-شٸ چەمپيوناتىنىڭ پلەي-وفف ويىندارى ٶسكەمەن قالاسىندا 1 ناۋرىزدا باستالعان بولاتىن. 6-7 ناۋرىز كٷندەرٸ «جەتٸسۋ» الدىمەن «تۇران» كومانداسىن ەكٸ مەرتە جەڭٸپ فينالعا شىققان ەدٸ. فينالدا «بەرەل» كومانداسىمەن ٷش ويىن ٶتكٸزدٸ. بٷگٸنگٸ شەشۋشٸ ويىندا قورىتىندى ەسەپ 3:1, «جەتٸسۋدىڭ» پايداسىنا شەشٸلدٸ.
وسىلايشا بيىلعى چەمپيوناتتا «جەتٸسۋ» كومانداسى التىن مەدالعا يە بولىپ, 9 دٷركٸن قازاقستان چەمپيونى اتاندى. بۇل رەتتە جەكە نوميناتسييا بويىنشا «جەتٸسۋ» كومانداسىنان داريا شارگورودسكايا ٷزدٸك بايلانىستىرۋشى, مادينا بەكەت ٷزدٸك قورعاۋشى اتانسا, جالپى چەمپيوناتتىڭ ٷزدٸك ويىنشىسى كارينا دەنيسوۆا دەپ تانىلدى.
چەمپيونات اياقتالعاننان كەيٸن «جەتٸسۋ» كومانداسىنىڭ باس باپكەرٸ ماركو گرشيچ وي بٶلٸستٸ:
"ەڭ الدىمەن كوماندا ويىنشىلارىنا ريزامىن. كەشەگٸدەن كەيٸن بٷگٸنگٸ ويىن وڭايعا تٷسكەن جوق. بٸراق بٸزدٸڭ قىزدار ٶزٸنٸڭ مىقتىلىعىن كٶرسەتتٸ. بۇل رەتتە بٸزدٸ سوڭىنا دەيٸن قولداعان جانكٷيەرلەرٸمٸزگە دە العىس بٸلدٸرٸمەمٸن. بۇل ماۋسىم – «جەتٸسۋ» كومانداسىنىڭ ماۋسىمى دەپ ماقتانىشپەن ايتا الامىز", - دەدٸ ول.
جالپى تالدىقورعاندا «جەتٸسۋ» ۆولەيبول كەسٸبي كلۋبىنا ارنالعان جاتتىعۋ ورتالىعى جۇمىس ٸستەپ تۇر. وندا ەرلەر مەن ەيەلدەر كوماندالارى جەنە جاستاردىڭ قوسالقى قۇرامى جاتتىعادى.
