ورتا جانە شاعىن بيزنەستى دامىتۋ – ەلدەگى جۇمىسسىزدىقتى جويۋدا، نارىقتى حالىققا قاجەتتى تاۋارلارمەن تولتىرۋدا، وڭىرلەردىڭ ەكونوميكاسىن تۇراقتاندىرۋدا شەشۋشى فاكتور بولىپ تابىلاتىندىقتان كاسىپكەرلىك قارقىن العان جەردە عانا ەكونوميكالىق ورلەۋ، ادامي كاپيتالدىڭ ءوسىمى بولادى. ال، نارىقتى تۇتىنۋشىلارعا قاجەتتى، سۇرانىسقا يە تاۋارلارمەن قامتاماسىز ەتۋ – الەۋمەتتىك تۇرعىدا ەلدىڭ احۋالىنىڭ جاقسارۋىنا الىپ كەلەدى.

الەمدىك دەڭگەيدە ورىن العان ەپيداحۋال كەيبىر كاسىپكەرلەردىڭ ىسىنە كەرى اسەر ەتسە، ەندى بىرەۋلەرىنە جاڭا جوبالاردى جۇزەگە اسىرۋىنا ىقپال ەتتى. كارانتيندە اۋىل شارۋاشىلىعى سالاسىنداعى ءبىلىمىن بيزنەسپەن ۇشتاستىرعان جانداردىڭ ءبىرى جەتىساي اۋدانىنا قاراستى جىلى سۋ اۋىلدىق وكرۋگىنىڭ تۇرعىنى قوزىباي اشەكوۆ. قاراپايىم اۋىل اگرونومى ۇلى التايمەن بىرگە قازىرگى تاڭدا پلاستيكالىق قالدىقتاردان (بوساعان باكلاشكالاردان) ماقتا تەرەتىن كومبايندارعا اسا قاجەتتى شپيندەلدى ششەتكا مەن قالىڭدىعى 1مم بولاتىن ءجىپ شىعارىپ جاتىر.

بۇعان دەيىن اتالمىش ششەتكانى كورشىلەس وزبەكستان ەلىنەن تاپسىرىسپەن الىپ كەلگەن كومباين جۇرگىزۋشىلەرى اۋىل ازاماتىنىڭ قولىنان شىققان ءونىمنىڭ ساپاسىنىڭ جوعارى، باعاسىنىڭ ارزان ەكەندىگىن ايتادى. ءبىر كومباينعا 96 دانا كەتەتىن ءبىر ماۋسىمعا جارامدى وزبەكستاندىق ششەتكانىڭ ءاربىر داناسى بازار نارىعىندا 4 مىڭ تەڭگە بولسا، قوزىباي اشەكوۆتىڭ قولىنان شىققان ەكى ماۋسىمعا جارامدى ءونىمنىڭ باعاسى سونىڭ تەڭ جارتىسى، ياعني، 2 مىڭ تەڭگە تۇرادى. وسىلايشا وتباسىلىق بيزنەستى دامىتىپ وتىرعان قوزىباي ءابدىراشيم ۇلى قولىنان ءىس كەلەتىن اۋىلدىڭ تاعى ءبىر تۇرعىنىن جۇمىسپەن قامتىپ وتىر. قولداعى بارىمەن كاسىپ اشقان ازامات الداعى ۋاقىتتا مەملەكەتتىك قولداۋمەن نەسيە الۋعا نيەتتى.

«مەملەكەتىمىزدىڭ جۇيەلى ساياساتىنىڭ ناتيجەسىندە جىل سايىن كاسىپكەرلەرگە جاسالاتىن مەملەكەتتىك قامقورلىقتاردىڭ قاتارى ارتىپ، بەرىلەتىن نەسيەلەردىڭ سۋمماسى دا كوبەيىپ كەلەدى. ءبىز دە سول باعدارلامالارعا قاتىسىپ، جەڭىلدەتىلگەن پايىزبەن نەسيە الۋدى، الداعى ۋاقىتتا كاسىبىمىزدى كەڭەيتسەك، ءونىم كولەمىن ارتتىرساق دەگەن جوسپاردامىز» دەيدى قوزىباي اشەكوۆ.

بۇگىندە قول كۇشىمەن عانا جۇمىس جۇرگىزىپ وتىرعان ازاماتتار كۇنىنە 25 داناعا دەيىن شپيندەلدى ششەتكا جاساپ جاتىر. وتكەن جىلى 28، بيىل 40-قا تارتا كومباينعا ءونىم دايىنداعان ازاماتتار تاپسىرىستىڭ كۇن ساناپ ارتىپ وتىرعانىن ايتادى.

ايتا كەتەيىك، قوزىباي اشەكوۆتىڭ وتباسى شپيندەلدى ششەتكا شىعارۋمەن عانا ەمەس، سونىمەن قاتار، جىلى جاي، باۋ-باقشا ءوسىرۋ ءىسىن دە دۇرىس جولعا قويعان. بۇگىندە اۋىلدىڭ 60 پايىزىن جىل بويى كوكونىسپەن قامتاماسىز ەتىپ كەلەدى.

ەلدەگى شاعىن جانە ورتا بيزنەستى دامىتۋ ماقساتىندا قابىلدانعان مەملەكەتتىك باعدارلامالار جەكە كاسىپپەن شۇعىلدانامىن، كاسىبىمدى كەڭەيتەمىن دەۋشىلەرگە بارلىق مۇمكىندىكتەردى بەرىپ وتىر. بۇل ەلدەگى جۇمىسسىزدىقتى جويۋعا وڭ اسەرى ەتەرى ءسوزسىز ەكەنى انىق.