جەتٸسايلىق ديقاندار قىرىققاباتتارىن ەكسپورتتادى
جەتٸساي اۋدانىنداعى ەل فارابي ەلدٸ مەكەنٸنٸڭ ديقاندارى اقپان ايىنىڭ باسىندا ەككەن قىرىققاباتتىڭ العاشقى ٶنٸمٸن تٷركٸستان وبلىسى بويىنشا العاش بولىپ ەكسپورتتادى, – دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
– قىسقى مەزگٸلدە شارۋا قوجالىعىمىزعا تيەسٸلٸ جەردٸڭ 10 گەكتار جەرگە قىرىققاباتتىڭ 50-55 كٷندە ەرتە پٸسەتٸن «زاريسما» سورتىن ەكتٸك. ەگٸلگەن كٶشەتتەردٸڭ بارلىعى ٶزٸمٸزدٸڭ جىلىجايدا ٶندٸرٸلگەن. جالپى 10 گەكتارعا ەگٸلگەن ٶنٸم كٶلەمٸ 40 تسەنتنەردٸ قۇراپ وتىر. بۇل كەتكەن شىعىندارىمىزدىڭ تولىق اقتالعانىن بٸلدٸرەدٸ. ارتىلعان 40 توننا قىرىققابات بەلارۋسييا مەملەكەتٸنە جٶنەلتٸلەتٸن بولادى, – دەيدٸ "ەل فارابي" شارۋا قوجالىعىنىڭ تٶراعاسى سەبدەنوۆ بەكزات.
جەتٸساي اۋدانى اۋىلشارۋاشىلىعى بٶلٸمٸنٸڭ باسشىسى مارات ابۋوۆتىڭ ايتۋىنشا, جەتٸساي اۋدانىندا بيىل 1 080 گەكتار اۋماققا ەرتە پٸسەتٸن قىرىققابات ەگٸلگەن. بىلتىر اۋدان ديقاندارى 36 مىڭ توننا قىرىققابات ٶنٸمٸن ٶندٸرگەن. نەگٸزٸنەن ەگٸن شارۋاشىلىعىمەن اينالىساتىن اۋدان حالقى 78 500 گەكتار اۋماققا ەگٸن ەگەدٸ. بٷگٸنگٸ تاڭعا دەيٸن اۋدان بويىنشا 1 300 گەكتارعا – كٶكٶنٸس, 10 مىڭ گەكتار اۋماققا – باقشا داقىلدارى ەگٸلگەن.
