Jetisailyq diqandar qyryqqabattaryn eksporttady
Jetisai aýdanyndaǵy Ál Farabi eldi mekeniniń diqandary aqpan aiynyń basynda ekken qyryqqabattyń alǵashqy ónimin Túrkistan oblysy boiynsha alǵash bolyp eksporttady, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
– Qysqy mezgilde sharýa qojalyǵymyzǵa tiesili jerdiń 10 gektar jerge qyryqqabattyń 50-55 kúnde erte pisetin «Zarisma» sortyn ektik. Egilgen kóshetterdiń barlyǵy ózimizdiń jylyjaida óndirilgen. Jalpy 10 gektarǵa egilgen ónim kólemi 40 tsentnerdi qurap otyr. Bul ketken shyǵyndarymyzdyń tolyq aqtalǵanyn bildiredi. Artylǵan 40 tonna qyryqqabat Belarýsiia memleketine jóneltiletin bolady, – deidi "Ál Farabi" sharýa qojalyǵynyń tóraǵasy Sábdenov Bekzat.
Jetisai aýdany aýylsharýashylyǵy bóliminiń basshysy Marat Abýovtyń aitýynsha, Jetisai aýdanynda biyl 1 080 gektar aýmaqqa erte pisetin qyryqqabat egilgen. Byltyr aýdan diqandary 36 myń tonna qyryqqabat ónimin óndirgen. Negizinen egin sharýashylyǵymen ainalysatyn aýdan halqy 78 500 gektar aýmaqqa egin egedi. Búgingi tańǵa deiin aýdan boiynsha 1 300 gektarǵa – kókónis, 10 myń gektar aýmaqqa – baqsha daqyldary egilgen.
