جەتٸساي مەن ماقتاارال اۋداندارى لوگيستيكالىق ورتالىقتى بٸرلەسٸپ پايدالانۋدا
– بٸز يندۋسترييالىق ايماعىمىزدا 4 جوبانى باستاعان بولاتىنبىز. 12 جوباعا جەتكٸزەمٸز دەگەن ماقسات بولعان. الايدا, ول جوبالاردىڭ بارلىعى اۋدان بٶلٸنگەننەن كەيٸن ماقتاارال اۋدانىنىڭ ٷلەسٸنە بەرٸلدٸ. ودان كەيٸن, اۋدان بٶلٸنبەي تۇرىپ ماقتاارالعا كٸرە بەرٸستە 12 گەكتار جەرگە يندۋسترييالىق ايماق اشقانبىز.
بۇرىن بٸزدە قاۋىن-قاربىزدى, كٶكٶنٸستٸ ٶتكٸزۋ دەگەن ٷلكەن پروبلەما بولاتىن. سارىاعاشقا اپارىپ, سول جەردە ساقتاپ, ساتاتىنبىز. يندۋسترييالىق ايماقتى اشقان سوڭ بٸرٸنشٸ كەزەكتە ديقاندار ٶنٸمٸن الىسقا اپارىپ ساتپاي-اق, وسى جەردە ساقتاپ, ساتسىن دەپ لوگيستيكالىق ورتالىق قۇردىق. ٶزبەكستاننان, رەسەيدەن, ٶزٸمٸزدٸڭ كەسٸپكەرلەردٸ دە شاقىرىپ, ۇيىمداستىرىپ, سول جەردە ديقاندار ٶنٸمدەرٸن ساتا باستادى. ول جەرگە سىيىمدىلىعى 3,5 مىڭ توننالىق ەكٸ قويما, قوناقٷي سالىناتىن بولادى. ونىڭ جوباسى دا, قارجىسى دا شەشٸلگەن. بۇل لوگيستيكالىق ورتالىق ماقتاارال اۋدانىنىڭ تەرريتوريياىسىندا بولعانىمەن, ەكٸ اۋداننىڭ ديقاندارى ورتاق پايدالانا بەرەدٸ. اۋدان بٶلٸنگەنٸمەن, بٸزدٸڭ كٶپ نەرسەمٸز ورتاق. كەشەگٸ ٶتكەن «قاۋىن-fest-تە» دە «سەن بٶلٸنٸپ كەتتٸڭ» دەپ, بٸر-بٸرٸمٸزدٸڭ كٶكٸرەگٸمٸزدەن يتەرٸپ تاستاعان جوقپىز, ونى دا بٸرلەسٸپ ٶتكٸزدٸك.
دەگەنمەن, ەلگٸندە ايتىپ كەتكەنٸمدەي, قاۋىن-قاربىزدى قالدىقسىز ٶڭدەپ, ٶنٸم شىعاراتىن تسەحتار, زاۋىتتار اشۋ ٷشٸن يندۋسترييالىق ايماق قۇرساق دەگەن ويدامىز. بٸزدٸڭ دە بيۋدجەتكە سالىق تٷسٸمٸ كەرەك. اۋدان حالقىن جۇمىسپەن قامتۋ كەرەك دەگەندەي. بىلايشا ايتقاندا, لوگيستيكالىق ورتالىق ورتاق بولادى, ال يندۋسترييالىق ايماقتى قوسىمشا اشامىز. قازٸر وسى جوبا بويىنشا جەر قاراستىرىلىپ جاتىر. بٸزدە بوس جەر تابۋ پروبلەما. بٸر شارشى مەتردٸڭ دە يەسٸ بار, – دەيدٸ اۋدان ەكٸمٸ جامانتاي قانايۇلى.
Dalanews.kz
