جەتٸساي جاستارى بالىق اۋلاپ جارىستى
جەتٸساي اۋدانىندا «جاستار رەسۋرستىق ورتالىعىنىڭ» ۇيىمداستىرۋىمەن ەۋەسقويلار اراسىندا 2 كٷندٸك بالىق اۋلاۋ سايىسى ٶز مەرەسٸنە جەتتٸ. جارىسقا تٷركٸستان وبلىسىنىڭ تٷكپٸر-تٷكپٸرٸنەن 30-عا جۋىق كوماندا مەن 100-گە جۋىق بالىقشى قاتىستى.
شاردارا سۋ قويماسىنىڭ جاعالاۋىندا ٶتكەن بالىقشىلار سايىسى ٶتە تارتىستى ٶتتٸ. اۋا-رايى قولايلى بولعانىمەن قارماققا بالىق از ٸلٸندٸ. ماماندار بۇعان كٷننٸڭ بٸردەن سۋىعانى سەبەپ بولعانىن ايتۋدا. بٸراق سوعان قاراماستان كوماندالار 24 ساعات بويى جارىستىڭ كٶركٸن قىزدىردى. العاشقى بالىق 20 قازان كٷنگٸ تٷنگٸ ساعات 22:00-دەر شاماسىندا قارماققا ٸلٸندٸ. بۇل جولى اۋداندىق بٸلٸم بٶلٸمٸنٸڭ قىزمەتكەرلەرٸنەن جاساقتالعان «باتىل» كومانداسى العاشقى بالىقتى ۇستاعان بولاتىن.
ەكٸ كٷندٸك جارىستىڭ قورىتىندىسىمەن بٸرٸنشٸ ورىندى «نۇرلى ەلەم» كومانداسى قانجىعاسىنا بايلادى. تاڭعى 5-تەر شاماسىندا 3 ٸرٸ بالىق ۇستاعان كومانداعا بالىق اۋلاۋ قۇرالدارى مەن 30 مىڭ تەڭگە تابىس ەتٸلدٸ. ەكٸنشٸ ورىندى اۋداندىق بٸلٸم بٶلٸمٸنٸڭ قىزمەتكەرلەرٸنەن جاساقتالعان «باتىل» كومانداسى يەلەندٸ. جٷلدەگەر كومانداعا 25 مىڭ تەڭگە مەن اۋلاۋعا قاجەتتٸ قۇرال-سايماندار تابىستالدى. ال ٷشٸنشٸ ورىندى سارىاعاشتىق «التىن بالىق» كومانداسىنا بۇيىردى. بۇل كومانداعا 20 مىڭ تەڭگە مەن قۇرال-سايمان تابىس ەتٸلدٸ.
ايتا كەتەيٸك, اتالعان جارىسقا «جاڭارۋ» سىبايلاس جەمقورلىققا قارسى جالپىۇلتتىق قوزعالىسىنىڭ جەتٸساي اۋداندىق بٶلٸمٸنٸڭ باسشىسى اللادين مىرزاحانوۆ 100 مىڭ تەڭگە كٶلەمٸندە قارجىلاي دەمەۋشٸلٸك جاسادى. تارتىستى ٶتكەن جارىس الداعى جىلدارى دا ٶز جالعاسىن تاباتىن بولادى.
جەتٸساي اۋدانى ەكٸمٸنٸڭ باسپاسٶز قىزمەتٸ
