جوبا مەن اكسيا بيىل قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن وتەدى.
"جەڭىمپازدار" - 2014 جىلعى 9 مامىردان باستاپ ۇلى وتان سوعىسىنىڭ ارداگەرلەرى مەن تىل ەڭبەككەرلەرى تۋرالى 3،5 مىڭنان اسا وقيعا جاريالانعان جوبا. قازاقستان مەن وزگە ەلدەردىڭ وقىرماندارى جارتى عاسىردان اسا ۋاقىت بۇرىن مايدانعا اتتانعان اتالارى، اجەلەرى، دوستارى تۋرالى اقپارات جىبەرەدى.
قازاقستاندىق ۇوس ارداگەرلەر قورى Tengrinews.kz نەگىزىن قالاۋشى جانە Alash Media Group حولدينگىنىڭ باسشىسى باتىر قازىبايەۆتىڭ باستاماسىمەن جۇزەگە استى.
"جوبا قازاقستاندىق ارداگەرلەر تۋرالى تاعى ءبىر قوردى قالىپتاستىرۋ جانە ونى اتالارىن ەسكە الاتىن، قۇرمەتتەيتىن ادامداردىڭ كومەگىمەن جۇزەگە اسىرۋ ءۇشىن دۇنيەگە كەلدى. بۇل جوبا مۇراعات بولادى دەپ ۇمىتتەنبەيمىز. بۇل - Tengrinews جانە Tengrinews وقىرماندارىنىڭ كۇشىمەن جينالاتىن قاراپايىم كارتوتەكا. كەز كەلگەن ادام اتا-بابالارى، وتباسىنداعى باتىرلار تۋرالى اقپارات جاريالاي الادى. سوعىسپەن بايلانىستى ءار وتباسى ۇمىتىلماۋى كەرەك. ۇلى وتان سوعىسپەن بايلانىستى ەستەلىكتەردى ساقتاماساق، قالپىنا كەلتىرمەسەك، بولاشاعىمىزدىڭ ءبىر بولىگىن جوعالتامىز. بۇل - جوبانىڭ باستى ماقساتى"، - دەپ اتاپ وتكەن ەدى باتىر قازىبايەۆ.
جوبا وقىرمانداردى قازاقستاننىڭ بەلگىسىز ءارى تانىمال ەمەس باتىرلارىمەن تانىستىرادى، ارداگەرلەردىڭ تۋىستارىنا سوعىستان كەيىن بايلانىسى جوعالعان جاقىندارىن تابۋعا كومەكتەسەدى.
وقيعالاردىڭ ءبىرى اعا لەيتەنانت احمەتقازى بولاتوۆ تۋرالى. ول 1941 جىلى الماتى قالاسىنان مايدانعا اتتانعان اتاقتى 100ء-شى ارنايى اتقىشتار بريگاداسىندا بولعان. ونىڭ قۇرامىندا كەڭەس وداعىنىڭ باتىرى مانشۇك مامەتوۆا دا بولعان. احمەتقازى بولاتوۆ 1943 جىلى 15 قازاندا نيەۆەل تۇبىندەگى سۇراپىل شايقاسقا قاتىسقان.
"مانشۇكتىڭ اتىس پوزيسياسىن جاقسى بىلدىك جانە ونىڭ وق-دارىلەرى تاۋسىلعاننان كەيىن، باسقا پۋلەمەتتە تۇرعانىن ەستە ساقتادىق. ول پوزيسياسى جاۋ وعىمەن جابىلعانشا، نەمىس جاياۋ اسكەرىنە پۋلەمەتتەن وق جاۋدىردى"، - دەپ ەسكە الدى ارداگەر.
كەيىن وعان سالتاناتتى جەرلەۋ ءۇشىن مانشۇك مامەتوۆانىڭ دەنەسىن تابۋ تاپسىرىلعان.
"بىرنەشە رەت جارالانعانداردىڭ ءولىمى مەن ازاپتانعانىن كوردىم. ءوزىم 3 رەت جارالاندىم. ءبىراق بيىكتىكتىڭ باسىندا باتىر پۋلەمەتشىنىڭ اتىس پوزيسياسىن ىزدەپ، تۇراش ەكەۋمىزدىڭ مانشۇكتەن قالعانىن جيناپ، ونىمەن بىرگە نيەۆەلگە بارعانىمىزعا ەشتەڭە جەتپەيدى... ءبىزدى سوندا كۇتتى. سالتاناتتى جەرلەۋ ءراسىمى ءوتتى. ساليۋت توقتاتىلدى، قازاقستاننىڭ باتىر قىزىمەن ماڭگىگە قوشتاستىق. بۇل 1944 جىلعى تامىزدا بولدى"، - دەپ ەستەلىگىن ءبولىستى ول.
ارداگەر ۆاسيليي گلادىشيەۆتىڭ قىزى تۋرالى وقيعاعا دا توقتالساق، "جەڭىمپازدار" جوباسىنىڭ ارقاسىندا ول وزىنە قىمبات ادامنىڭ ءومىرى تۋرالى ءبىلىپ، پاۆلوداردان جاڭا تۋىستار تاپتى.
2018 جىلى جوبا اياسىندا ايەل ادام Tengrinews.kz سايتىنا ارداگەر اكەسى تۋرالى اقپارات جاريالايدى. بۇل انكەتانى كورگەن ۆاسيليي گلادىشيەۆتىڭ نەمەرەسى جاۋاپ بەرگەن.
"ءبىر جىل بۇرىن ۇندەۋىم جاريالانعانىن كوردىم، ءبىراق مەنىڭ ارمانىم - اكەمنىڭ تاعدىرى تۋرالى بىلۋىمە سەپتىگىن تيگىزەدى دەپ ويلامادىم. مىنە، مەنىڭ 70 جىلدىق مەرەيتويىم كۇنى جاۋاپ كەلدى. مەنى اكەمنىڭ نەمەرەسى تاپتى. سىزدەرگە ءوزىمنىڭ، اعامنىڭ، بالالارىمنىڭ جانە نەمەرەلەرىمنىڭ، بارلىق تۋىسىمنىڭ اتىنان بەي-جاي قاراماعاندارىڭىز، يگى ىستەرىڭىز ءۇشىن العىسىمدى بىلدىرگىم كەلەدى. ۇلكەن جۇمىس ىستەدىڭىزدەر. بۇل ءبىزدىڭ ۇرپاقتارىمىز ءۇشىن ماڭىزدى"، - دەپ ۇلى وتان سوعىسى ارداگەرىنىڭ قىزى "جەڭىمپازدار" جوباسىنا العىسىن ءبىلدىردى.
تاعى ءبىر وقيعا ۇلى وتان سوعىسىنا قاتىسقان، بەلگىلى قازاقستاندىق جازۋشى جانە جۋرناليست ۆالەنتين ميحايلوۆيچ فيلاتوۆ تۋرالى. 2022 جىلعى قاڭتاردا ونىڭ تۋىسى ەلەنا جۋكوۆا ينتەرنەتتەن ول تۋرالى اقپارات ىزدەپ، "جەڭىمپازدار" جوباسىنان اعاسىنىڭ انكەتاسىن تاپقان.
"وسىلايشا، ۆالەنتين فيلاتوۆ تۋرالى بەتكە كىردىم. ول تۋرالى اقپاراتتى سايتقا ونىڭ شوبەرە قىزدارى جىبەرگەنىن ءبىلدىم. سونداعى ەسىمدەردى تاعى دا ىزدەپ، پاۆلودار گيمنازيالارىنىڭ بىرىندە وتكەن بالالار كونكۋرسى تۋرالى باسقا سايتتى تاپتىم. ولار وندا اتالارىنىڭ ءومىرىن سيپاتتاعان. سىزدەردىڭ ماقالالارىڭىز بولماسا، ولاردى تابۋ مۇمكىندىگى وتە از ەدى. وسىنداي «كوپىر» بولعاندارىڭىز ءۇشىن كوپ راقمەت"، - دەپ ءبولىستى ەلەنا جۋكوۆا رەداكسياسىمەن.
جوبا اياسىندا قازاقستاندىق ۇوس ارداگەرلەرىنىڭ ۇرپاقتارىنا ۆيدەوۇندەۋلەر ءتۇسىرىلدى. جوبا كەيىپكەرلەرى سوعىسقا قاتىسقاندار وتە جاس بولسا دا، بارلىق قاسىرەتتى كورگەنىن ەسكە الادى. ارداگەرلەر جاستاردىڭ كىشىپەيىل جانە ادال بولۋىن تىلەدى. ءقازىر ولاردىڭ كەيبىرى ارامىزدا جوق. ولار وسكەلەڭ ۇرپاقتىڭ سپورتپەن اينالىسقانىن، رۋحاني جاعىنان كۇشتى بولىپ تاربيەلەۋىن قالايدى. ال ارداگەرلەردىڭ ەڭ باستى تىلەگى - ەلىمىزدە ەشقاشان سوعىس بولماۋى.
"جەڭىمپازداردى" قازاقستان قورعانىس مينيسترلىگى "ينتەرنەت-باسىلىمداعى ۇزدىك جاريالانىم" نوميناسياسى بويىنشا ماراپاتتادى. بايقاۋ ۇلى وتان سوعىسىنداعى جەڭىستىڭ 70 جىلدىعىنا وراي وتكىزىلدى. "بۇل جۇمىستار ەرەكشە بولعان سوڭ تاڭدالدى ءارى قازىرگى زامانعا ساي بولدى. سەبەبى اسكەري تاقىرىپتاعى ماتەريالدارمەن ەشكىمدى تاڭعالدىرا المايسىڭ، ءبىراق بۇل جاريالانىمدار مەن سيۋجەتتەر شىنىندا دا قىزىق بولدى"، - دەپ اتاپ ءوتتى سول كەزدە ق ر قم-دە.
"جەڭىمپازدار" جوباسىنا ارنالعان ارداگەرلەردىڭ ەرلىكتەرى تۋرالى وقيعالاردى + 7-70-09-05-1945 WhatsApp ارنايى نومىرىنە جىبەرۋگە بولادى. سيۋجەتتى جىبەرگەن كەزدە ارداگەردىڭ ءاتى-جونى، تۋعان كۇنى، تۋعان جىلى جانە تۋعان جەرى، اتاعى، اسكەردەگى تەگى سياقتى تولىق مالىمەتتەرىن كورسەتۋ كەرەك، سونىمەن قاتار، بىرنەشە سۋرەت تىركەۋ قاجەت. باتىرلاردىڭ جاقىندارى سايتتا انكەتا تولتىرا الادى.
