ءىس-شارا وسكەلەڭ ۇرپاقتىڭ بويىندا قۇقىقتىق ساۋاتتىلىق، جەمقورلىق كورىنىستەرىن اجىراتا بىلەتىن، «نولدىك» توزىمدىلىك قالىپتاسقان، ءبىلىمدى، باسەكەگە قابىلەتتى قاسيەتتەردى قالىپتاستىرۋعا باعىتتالعان.
ۇلتتىق قۇندىلىقتاردى دارىپتەيتىن شاراعا قالا مەكتەپتەرىنەن 20 وقۋشى قاتىسىپ، «ادال ۇرپاق» جايىندا ءوز تۋىندىلارىن وقىسا، ەكىنشى كەزەڭدە «ولەڭنەن ورىلگەن وي» ايدارىندا ۇمىتكەرلەر بەرىلگەن تاقىرىپتارعا سايكەس ولەڭ شىعاردى، كوركەموي كەستەسى مەن تاقىرىپتى اشۋى، شەشەندىگى، وي جۇيەلىلىگى، ۇيقاسى ەسكەرىلدى.
پاتريوتتىق تۇرعىدا وتكەن شاراعا قاتىسقان جاس اقىندار جوعارى دەڭگەيدە دايىندىقپەن كەلگەن، ءوز قابىلەتتەرىن جوعارى دەڭگەيدە اشىپ كورسەتە بىلگەن جاس اقىندار قازىلار القاسى تاراپىنان العىسقا بولەندى.
ايتا كەتەيىك، جاستار اراسىندا «ادال جولدى تاڭدايمىز» سىبايلاس جەمقورلىققا قارسى مارافونى وبلىسىمىزدا العاش رەت وتكىزىلۋدە.
مارافون اياسىندا ءتۇرلى باعىتتاعى ءىس-شارالار بارلىق اۋدان، قالا جاستارىنىڭ بەلسەندى قاتىسۋىمەن وتەتىن بولادى.
مارافوننىڭ سوڭعى فورۋمى، ياعني جەڭىمپازداردى ماراپاتتاۋ ءراسىمى 7 جەلتوقساندا حالىقارالىق جەمقورلىققا قارسى كۇرەس كۇنى قارساڭىندا وتەتىن بولادى.
ءوز زاڭىن قۇرمەتتەپ – قاستەرلەيتىن، ەلىنە شىن بەرىلگەن ادال ۇرپاق – ماڭگىلىك ەلدىڭ كەپىلى.
