Jastardy rýhanı adamgershilik pen azamattyq-patrıottyq tárbıeleýde QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Túrkistan oblysy boıynsha Departamentimen bastaý alǵan «Adal joldy tańdaımyz» marafony aıasynda mektep oqýshylarynyń arasynda jas aqyndar múshaırasy ótti.

İs-shara óskeleń urpaqtyń boıynda quqyqtyq saýattylyq, jemqorlyq kórinisterin ajyrata biletin, «nóldik» tózimdilik qalyptasqan, bilimdi, básekege qabiletti qasıetterdi qalyptastyrýǵa baǵyttalǵan.

Ulttyq qundylyqtardy dáripteıtin sharaǵa qala mektepterinen 20 oqýshy qatysyp, «Adal urpaq» jaıynda óz týyndylaryn oqysa, ekinshi kezeńde «Óleńnen órilgen oı» aıdarynda úmitkerler berilgen taqyryptarǵa sáıkes óleń shyǵardy, kórkemoı kestesi men taqyrypty ashýy, sheshendigi, oı júıeliligi, uıqasy eskerildi.

Patrıottyq turǵyda ótken sharaǵa qatysqan jas aqyndar joǵary deńgeıde daıyndyqpen kelgen, óz qabiletterin joǵary deńgeıde ashyp kórsete bilgen jas aqyndar qazylar alqasy tarapynan alǵysqa bólendi.

Aıta keteıik, jastar arasynda «Adal joldy tańdaımyz» sybaılas jemqorlyqqa qarsy marafony oblysymyzda alǵash ret ótkizilýde.

Marafon aıasynda túrli baǵyttaǵy is-sharalar barlyq aýdan, qala jastarynyń belsendi qatysýymen ótetin bolady.

Marafonnyń sońǵy forýmy, ıaǵnı jeńimpazdardy marapattaý rásimi 7 jeltoqsanda Halyqaralyq jemqorlyqqa qarsy kúres kúni qarsańynda ótetin bolady.

Óz zańyn qurmettep – qasterleıtin, eline shyn berilgen Adal urpaq – Máńgilik eldiń kepili.