بىلسەك، حان ناعىز جەمقوردىڭ ءوزى ەكەن. قىرۋار قارجىنى قالتاسىنا باسىپتى. «اقشا الەمدى بيلەيدى» دەپ ويلايتىن اتاقتى ميللياردەردى ءولىم جازاسىنا كەسكەن جۇڭگو بيلىگى وسىلايشا زاڭ الدىندا بارلىق ادامنىڭ بىردەي ەكەنىن كورسەتتى.
South China Morning Post باسىلىمىنىڭ حابارلاۋىنشا ليۋ حانعا قاتىستى ۇكىم بىلتىرعى جىلدىڭ مامىرىندا شىعىپ قويعان. دەمەك، ول وسى كۇنگە دەيىن «ءتىرى ولىك» سانالىپ كەلگەن نەمەسە بۇيرىق شىققان كۇننەن باستاپ ونىڭ كۇشىنە ەنەتىن كەزىنە دەيىن ءوزىنىڭ ءولىم ءساتىن كۇتىپ كەلگەن...
تەرگەۋشىلەرى نەنى انىقتادى دەيسىز عوي؟ قىتايدىڭ ەڭ قالتالى ادامدارىنىڭ ءبىرى «وپگ-ىمەن» اينالىسقان، ياعني، ۇيىمداسقان قىلمىستىق توپ قۇرعان. بۇل توپ حاننىڭ ءوزى سياقتى اقشالى ادامداردى توناۋمەن، زاڭسىز كازينو بيزنەسىمەن جانە قارۋ-جاراق ساتۋمەن اينالىسقان.
ليۋ حاننىڭ يەلىگىندەگى 1997 جىلى قۇرىلعان Hanlong Group كومپانياسى تەمىر رۋداسىن تاسىمالدايتىن الەمدەگى ەڭ ءىرى كاسىپورىن ەكەن.
ميللياردەر تەك ءولىم جازاسىمەن عانا قۇتىلماعان. ونىڭ الگى كومپانياسىنا جۇڭگو ۇكىمەتى بانك نەسيەسىن الۋ ءۇشىن تەرىس اقپارات كورسەتكەنى ءۇشىن 300 ملن يۋان ايىپ سالعان.
ايتپاقشى، ليۋ حانمەن بىرگە ونىڭ تاعى ءتورت سىبايلاسى ءولىم جازاسىنا كەسىلدى.
جۇڭگو اقپارات قۇرالدارىنىڭ حابارلاۋىنشا ليۋ حان ەلدەگى مەملەكەتتىك قاۋىپسىزدىكتىڭ ەكس-جەتەكشىسى چجوۋ يۋنكانمەن بايلانىستا بولعان. سودان دا بولار تالاي تۇزاقتان امان قالعان... ءبىراق، اقىرى ۇستالىپ تىندى.
ونىڭ سىبايلاسى يۋنكاندا جازادان قۇتىلمايدى. جۇڭگو بيلىگى ونى دا جەمقور دەپ تاۋىپتى. تەرگەۋ مالىمەتىنە قاراعاندا، مەملەكەتتىك قاۋىپسىزدىكتىڭ ەكس-جەتەكشىسى پارا العان جانە بيلىكتەگى بيىك ورىندارعا ءوزىنىڭ تانىستارى مەن تۋىسقاندارىن وتىرعىزعان.
بايقايسىزدار ما، جەمقورلار بارلىق جەردە بىردەي. مىنەزى، سيپاتى، ارەكەتى.
قىتايدىڭ بىزدەن ءبىر ەرەكشىلىگى – جەمقورلار لايىقتى جازاسىن الدى. بىزدە قالاي نەمەسە ليۋ حان سياقتى تايراڭداپ جۇرگەندەر قانشاما؟..
