الەۋمەتتىك جەلىدە تۇڭعىش پرەزيدەنت نۇرسۇلتان نازاربايەۆتىڭ پورترەتى قوقىستا جاتقانى كورىنەتىن ۆيدەو تارادى، - دەپ حابارلايدى Dalanews.kz.

جەلىدەگى مالىمەتكە سۇيەنسەك، ۆيدەو استانادا تۇسىرىلگەن. ال جەلى قولدانۋشىلارى اراسىندا بۇل جايت قىزۋ تالقىعا ءتۇستى.

"ۇياتتارى جوق، اپارىپ ىلگەن ادام دا تۋرا سول جەردەن تابىلمايتىنىنا كەپىلدىك بار ما؟"، "30 جىل سوعىسسىز ءومىر سۇردىك. داستارحانىمىزدا نان بار، بالالارىمىز تەگىن وقيدى. قازاقستاندىقتار بۇلاي جاساۋعا بولمايدى"، - دەيدى ولار.

كەيىنگى كەزدە نازاربايەۆتىڭ سۋرەتى بار تۋىندىلار جەر-جەردەن الىنىپ تاستالىپ جاتىر. العاش رەت تالدىقورعاندا نازاربايەۆتىڭ ەسكەرتكىشى قۇلاتىلدى. سونىمەن قاتار، استاناداعى ۇلتتىق قورعانىس ۋنيۆەرسيتەتىنىڭ اۋماعىنان دا تۇڭعىش پرەزيدەنت نۇرسۇلتان نازاربايەۆتىڭ 2020 جىلى 80 جىلدىعىنا وراي سالتاناتتى تۇردە اشىلعان ەسكەرتكىشى الىنىپ تاستالدى.

ال كەيىن الماتىداعى مەتروبەكەتتەرىنىڭ بىرىنەن نازاربايەۆتىڭ سۋرەتى الىنىپ تاستالدى. ارتىنشا نۇرسۇلتان نازاربايەۆتىڭ استاناداعى تاعى ءبىر ەسكەرتكىشى الىنىپ تاستالدى. بۇل جولى ونىڭ ۇلتتىق مۋزەيدەگى ەسكەرتكىشى الىنىپ تاستالعان ەدى. ول ەسكەرتكىش 2018 جىلى ورناتىلدى.

ءتىپتى ەلباسى ءسوزى كەزدەسەتىن ناگرادالارعا دا وزگەرىس ەندى. "ەلباسىنىڭ قاۋىپسىزدىگىن ەرلىكپەن قامتاماسىز ەتكەنى ءۇشىن" مەدالى "لايىقتى قىزمەتى ءۇشىن" مەدالى بولىپ وزگەرتىلدى. "ەلباسىنىڭ قورعانى" توسبەلگىسى بۇدان بىلاي "ق ر مەملەكەتتىك كۇزەت قىزمەتىنىڭ قۇرمەتتى قىزمەتكەرى" دەپ اتالادى.

سونداي-اق، جۋىردا قازاقستاندا nazarbayev.kz سايتى جۇمىس ىستەمەي قالدى. سايت قاشاننان باستاپ قوسىلماي قالعانى بەلگىسىز. سايتقا كىرگەن كەزدە اشىلماي تۇرعانى بايقالدى. ال 2023 جىلى تۇڭعىش پرەزيدەنت نۇرسۇلتان نازاربايەۆتىڭ رەسمي سايتىنان "ەلباسى" ءسوزى الىپ تاستالعان ەدى. سايتتىڭ دومەنى وزگەرىپ، nazarbayev.kz بولدى.