باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ قۇقىقتىق ستاتيستيكا ينتەرنەت-پورتالىندا ەكاتەرينا بيۆولعا قاتىستى ىزدەۋ تۋرالى باعدار جاريالاندى، دەپ حابارلايدى Dalanews.kz.
جاريالانعان مالىمەتكە سايكەس، ەكاتەرينا يگوريەۆنا بيۆول، 1990 جىلى تۋعان، وعان قاتىستى ىزدەۋ ءىسى 1 قاراشادا استانادا تىركەلگەن.
ىزدەۋدى باستاعان ورگان – قازاقستاننىڭ ىشكى ىستەر مينيسترلىگى، ال تىكەلەي ىزدەستىرۋ جۇمىستارىن بايقوڭىر اۋداندىق پوليسيا باسقارماسى جۇرگىزىپ جاتىر.
سونداي-اق وريەنتيروۆكادا بيۆولدىڭ تمد ەلدەرىنىڭ ءبىرىنىڭ ازاماتى ەكەنى كورسەتىلگەن.
بۇعان دەيىن قازاقستان ءىىم ەكاتەرينا بيۆولعا قاتىستى قاماۋدا ۇستاۋ تۇرىندەگى بۇلتارتپاۋ شاراسىمەن ىزدەۋ جاريالانعانىن حابارلاعان بولاتىن.
