قر پرەزيدەنتٸ ق.توقاەۆتىڭ
قر جوعارعى سوتىنىڭ تٶراعاسى ج.اسانوۆتىڭ
قر باس پروكۋرورى ب.اسىلوۆتىڭ
قر ۇلتتىق قاۋٸپسٸزدٸك كوميتەتٸنٸڭ تٶراعاسى ە.ساعىمباەۆتىڭ
قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى و.بەكتەنوۆتٸڭ
قر قارجىلىق مونيتورينگ اگەنتتٸگٸنٸڭ تٶراعاسى ج.ەليمانوۆتىڭ نازارلارىنا!
ماڭعىستاۋ وبلىسى جۇرتى ۆيدەوٷندەۋ مەن اشىق حاتى ارقىلى, ماڭعىستاۋ وبلىستىق, اقتاۋ قالالىق «ارداگەرلەر كەڭەسٸ» ۇيىمدارى جەنە ماڭعىستاۋ وبلىسىنىڭ قوعامدىق كەڭەسٸ ٶز حاتتارى ارقىلى, ۇلى وتان سوعىسى, جاپون ميليتاريستەرٸنە قارسى, وڭتٷستٸك جەنە سولتٷستٸك كورەي اراسىنداعى سوعىستارعا قاتىسقان ارداگەردٸڭ بالاسى, سونىمەن قاتار اتى الاشقا ەيگٸلٸ, ابىز ەبٸش كەكٸلبايۇلىنىڭ ٸنٸسٸ, مەملەكەتتٸك قىزمەتتە 20 جىلدان بەرٸ, ياعني قاتارداعى ماماننان باستاپ, وبلىستىق باسقارمالاردى باسقارعان, اقتاۋ قالاسىنىڭ ەكٸمٸ, قەزٸرگٸ ۋاقىتتا وبلىس ەكٸمٸنٸڭ ورىنباسارى قىزمەتٸن اتقارىپ جٷرگەن عالىمجان نييازوۆتىڭ ٷستٸنەن, گاز باعاسىنىڭ كٷرت كٶتەرٸلۋٸنە بايلانىستى قىلمىستىق ٸس بويىنشا جازىقسىز قامالعانىن ايتىپ, قازاقستان حالقىمەن پرەزيدەنتٸ قاسىم-جومارت توقاەۆتان اراشا سۇرادى.
ول باعانى باقىلايتىن ورگانعا جەتەكشٸلٸك ەتكەن جوق
قاڭتاردا ماڭعىستاۋدا گازدىڭ باعاسىنا بايلانىستى حالىق بەيبٸت ميتينگكە شىقتى. سول كەزدە «گازدىڭ باعاسىن نەگٸزسٸز كٶتەردٸڭ» دەگەن جەلەۋمەن ٶڭٸردٸڭ تٶل پەرزەنتٸ, ادال ازاماتى ماڭعىستاۋ وبلىسى ەكٸمٸنٸڭ ورىنباسارى ع.نييازوۆقا جالا جابىلىپ, جازىقسىز قاماۋعا الىندى. بٸراق, ول گاز باعاسىن كٶتەرمەك تٷگٸلٸ, وعان ارالاسا دا المايدى. ٶيتكەنٸ, وسى ۋاقىتقا دەيٸن مۇناي, گاز سالاسىنا قانداي وليگارحتاردىڭ يەلٸك ەتكەنٸ جۇرتتىڭ بەرٸنە بەلگٸلٸ ەمەس پە? ەكٸ ورتادا بولاشاعىنان زور ٷمٸت كٷتتٸرەتٸن ەل ازاماتى كٷيٸپ بارادى.
- شىن مەنٸسٸنە كەلگەندە, وبلىس ەكٸمٸنٸڭ ورىنباسارى - ٶكٸلەتتٸ ورگان-ەنەرگەتيكا مينيسترلٸگٸنٸڭ بۇيرىعىمەن باعاسى تۇراقتى بەكٸتٸلگەن ەلەۋمەتتٸك گاز بٶلۋ كوميسسيياسىنىڭ تٶراعاسى بولعانىمەن, نارىقتاعى باعانى باقىلاۋى تيٸس مونوپوليياعا قارسى ورگانعا جەتەكشٸلٸك ەتكەن جوق. تٸپتٸ كەرەك دەسەڭٸز, ع.نييازوۆ بۇل لاۋازىمعا تاعايىندالعان كەزدە ونىڭ مٸندەتٸنە گازدىڭ ساتىلۋىن قاداعالاۋ مەسەلەسٸ مٷلدەم كٸرمەگەن. ول اۋىلشارۋاشىلىعى, جەر قاتىناستارى, تابيعاتتى قورعاۋ سالالارىنا جەتەكشٸلٸك ەتتٸ. ەندەشە, ونىڭ گاز باعاسىنىڭ كٶتەرٸلۋٸنە تٸكەلەي دە, جاناما دا قاتىناسى بولماعان. بۇل جەردە بٸز بٸر نەرسەنٸ تٷسٸنۋٸمٸز كەرەك. ٶڭٸردٸ گازبەن قامتۋداعى, وسى كەزگە دەيٸن «تٷسٸنٸكسٸز» بولىپ كەلگەن جاعدايلارعا بايىپپەن قارايتىن بولساڭىز, كٶپ نەرسەنٸ اڭعاراسىز. مىسالى, گاز ساتۋ ستانسالارىندا گازدىڭ ازدىعى, باعاسىنىڭ توقتاۋسىز ٶسۋٸ, جەرگٸلٸكتٸ حالىقتىڭ نارازىلىعىن تۋدىردى. مۇنىڭ ارتى ەل اراسىندا ٷلكەن دٷمپۋگە ۇلاستى. ال حالىقتى كٸمدەردٸڭ جاپپاي تەرتٸپسٸزدٸككە يتەرمەلەگٸسٸ كەلگەنٸ بەلگٸلٸ بولدى ەمەس پە, – دەيدٸ ٶڭٸردە بٸرنەشە جىل باسشىلىق قىزمەتتەر اتقارىپ, زەينەتكە شىققان ارداگەر ا.قارتباي.
ورتادا دەلدالدار پايدا بولدى
«گاز جەنە گازبەن جابدىقتاۋ» تۋرالى زاڭعا سەيكەس, 2018 جىلى زاۋىتپەن گاز ساتۋ ستانساسى بار كەسٸپكەرلەردٸڭ اراسىندا دەلدال گاز جەلٸلٸك ۇيىمدارى دەگەن پايدا بولدى. بۇرىن گازدى زاۋىتتان تٸكەلەي ساتىپ الاتىن گاز ساتۋ ستانساسى بار كەسٸپكەرلەر, ەندٸ كٶتەرمە باعامەن گاز جەلٸلٸك ۇيىمدارىنان ساتىپ الۋعا مەجبٷر بولدى.
وسىلايشا, دەلدالدىق قىزمەت كٶرسەتەتٸن گاز جەلٸلٸك ۇيىمدارى گازدى نەگٸزٸنەن ٶزدەرٸنٸڭ جەكە گاز ساتۋ ستانسالارى ارقىلى ساتىلۋى بارىسىندا ۇزىن-سونار كەزەكتەر پايدا بولىپ, قالعان جەكە كەسٸپكەرلەردٸڭ كٶپ بٶلٸگٸنە گاز بەرمەي, جەكە كەسٸپكەرلەر گازدىڭ ازدىعىنان گازدى قىمباتقا ساتىپ, ەلەۋمەتتٸك نارازىلىقتار تۋىنداپ, جەرگٸلٸكتٸ اتقارۋشى ورگانداردىڭ جۇمىستارىنا كٶڭٸلٸ تولماي بۇقارالىق اقپارات قۇرالدارى ارقىلى پرەزيدەنتكە, ٷكٸمەتكە جەكە كەسٸپكەرلەر شاعىمدانعان.
گاز باعاسىنا ارالاسا المايدى جەنە شالا ەلەكتروندىق ساۋدا قىزمەتٸ
بىلاي قاراپ تۇرساڭىز, گاز باعاسىن وبلىس ەكٸمٸنٸڭ ورىنباسارى مٷلدەم بەلگٸلەي المايدى. ول مٷمكٸن ەمەس جاعداي. ەندەشە قاڭتار وقيعاسىنا سەبەپشٸ بولدى دەپ تانىلعان گاز پروبلەماسى قايدان شىقتى? نەگە بۇل گاز 10-12 جىلعا سوزىلعان شەشٸلمەيتٸن مەسەلەگە اينالدى? وسى سۇراق ەركٸمدٸ مازالايتىنى انىق.
گازعا قاتىستى بارلىق مەسەلەلەر 2012 جىلدىڭ 9 قاڭتارىندا قابىلدانعان «گاز جەنە گازبەن جابدىقتاۋ» تۋرالى زاڭمەن رەتتەلٸپ كەلەدٸ. 2018 جىلى 2 مامىردا وسى اتالعان زاڭعا گازدىڭ 10-20% ەلەكتروندى ساۋدا الاڭدارى ارقىلى ساتۋ تۋرالى ٶزگەرٸس ەنگٸزٸلگەن.
بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ ۇسىنىسىمەن 2 جىلدىڭ ٸشٸندە, ياعني 2022 جىلدىڭ قاڭتار ايىنان باستاپ زاۋىتتان شىعاتىن گاز 100% تولىعىمەن ەلەكتروندى ساۋدا الاڭى ارقىلى ساتىلۋى تيٸس بولعان.
اقپارات رەتٸندە: زاڭعا سەيكەس 2018 جىلدان اياعىنان 2021 جىلدىڭ سەۋٸر ايىنا دەيٸن, وبلىسقا قاجەتتٸ گازدىڭ 20% ەلەكتروندىق ساۋدا الاڭى ارقىلى ساتىلىپ باستالعان, ال 2021 جىلدىڭ سەۋٸر ايىنان - جىلدىڭ اياعىنا دەيٸن, اي سايىن 5-10% دەيٸن قوسىلىپ, جىل اياعىندا تولىقتاي 100% ەلەكتروندى ساۋدا الاڭىنا ٶتتٸ. سول سەبەپتٸ, كوميسسييا ٶز جۇمىسىن توقتاتتى.
بۇل شەشٸم سۇرانىس پەن ۇسىنىستى ەسكەرە وتىرىپ, بوتتاردى پايدالانۋعا جول بەرمەۋگە جەنە سۋبەكتٸلەرگە ەدٸل بەسەكەلەستٸك قاعيداسىنىڭ نەگٸزٸندە ساۋدا الاڭدارىندا گازدى ساتىپ الۋ ٷشٸن بٸردەي قاتىسۋعا مٷمكٸندٸك بەرۋٸ تيٸس بولاتىن.
«كٶرشٸ وبلىس, ەلدەرگە قاراعاندا بٸزدەگٸ گاز باعاسى ٶتە تٶمەن, سوندىقتان زاڭسىز سىرتقا تاسۋ, ەرٸ ەلدەگٸ بٶلشەك ساۋداداعى گازدىڭ باعاسى كٶتەرمە ساۋدادان كٶپ جوعارى. زاۋىتتار حالىققا (ٸشكٸ رىنوكقا) گاز ساتقاننان تەۋٸر پايدا تابا الماي وتىر, 2017 جىلى ەلدٸڭ زاۋىتتارىنىڭ وسى سەبەپتەن جوعالتقان پايدالارىنىڭ مٶلشەرٸ 40 ملرد تەڭگەدەي بولدى. سونىمەن تٶمەن باعامەن گازدى ٸشكٸ نارىققا بەرۋ, ٶڭدەۋ كٶلەمٸن كٶبەيتۋ زاۋىتتار ٷشٸن تيٸمسٸز. ەلٸمٸزدە ٶندٸرٸلەتٸن گازدىڭ 72% ٸشكٸ نارىققا بەرٸلەدٸ. سول سەبەپتٸ, زاۋىتتارعا دۇرىس كٸرٸس كٸرۋٸ ٷشٸن باعانى كٶتەرۋ كەرەك, ول ەلەكتروندى ساۋدا ارقىلى قامتاماسىز ەتٸلەدٸ», - دەدٸ مينيسترلٸك ٶكٸلدەرٸ.
سول كەزدەن باستاپ, «قازمۇنايگاز» كومپانيياسىنا باعىنىشتى گاز ٶڭدەۋ زاۋىتتارى, گازعا ٶزدەرٸ باعا قويىپ, ەلەكتروندى ساۋدا الاڭدارى قىزمەتٸن اتقاراتىن جەكەمەنشٸك مەكەمەلەر ارقىلى ساتتىققا شىعارعان.
نەگٸزگٸ بىلىقتىڭ ورداسى, گازعا ٶزدٸگٸنەن باعا قويعان گاز ٶڭدەۋ زاۋىتتارى جەنە ەلەكتروندى ساۋدا الاڭىنىڭ جەتٸلمەگەن جٷيە ەكەنٸ ايدان انىق بولدى. دەمەك, ەلەكتروندى ساۋدا الاڭى ارقىلى گاز ساتۋ تەتٸگٸ شالا, ياعني ەبدەن پىسىقتالماعان بولىپ شىقتى. مىسال رەتٸندە: كەيبٸر ازاماتتاردىڭ ايىنا بٸر رەت ٶتكٸزٸلەتٸن ساۋدا الاڭى ارقىلى, ساۋدانى ٶتكٸزۋشٸ مەكەمەمەن ساۋداعا قاتىسۋشى كەسٸپكەرلەردٸڭ اراسىندا زاڭسىز دەلدالدىق كٶرسەتۋ نەتيجەسٸندە ازعانا كەسٸپكەرلەردٸڭ جەڭٸمپاز بولا بەرۋٸ, وبلىستاعى بارلىعى 350-دەي گاز ساتۋ ستانساسى بار 250-دەي كەسٸپكەردٸڭ نارازىلىعىن تۋدىردى.
ال, ەدٸل بەسەكەلەستٸكتٸ قامتاماسىز ەتۋشٸ, وسى شارۋالارعا باقىلاۋ جاساۋعا مٸندەتتٸ بەسەكەلەستٸكتٸ قورعاۋ جەنە دامىتۋ اگەنتتٸگٸ سول كەزدەردە قايدا قاراپ وتىرعان?
قر پرەزيدەنتٸ ەكٸمشٸلٸگٸنٸڭ تاپسىرماسى
2021 جىلدىڭ اقپان-سەۋٸر ايلارى ارالىعىندا ٶڭٸردە «جىعىلعانعا جۇدىرىق» - دەگەندەي, پاندەمييامەن بٸرگە, گاز تاپشىلىعى تۋىنداپ, باعاسى قىمباتتاپ جەنە ۇزىن-سونار كەزەكتەر پايدا بولىپ, ەلەۋمەتتٸك نارازىلىقتار ورىن الىپ, بۇقارالىق اقپارات قۇرالدارى ارقىلى پرەزيدەنتكە, ٷكٸمەتكە شاعىمدانعان گازەت-جۋرنالداردا ماتەريالداردى كٶرٸپ جاعدايدىڭ وڭاي بولماعانىن كٶردٸك .
تاپسىرماعا بايلانىستى 2021 جىلى ناۋرىزدا جىل اياعىنا دەيٸن, ٶڭٸردە ەلەۋمەتتٸك احۋالدى تۇراقتاندىرىپ, نارازىلىقتاردى بولدىرماۋ, ەنەرگەتيكالىق قاۋٸپسٸزدٸكتٸ قامتاماسىز ەتۋ جەنە گازدىڭ تاپشىلىعىن جويۋ ماقساتىندا قر «قازاقستان رەسپۋبليكاسىنىڭ ۇلتتىق قاۋٸپسٸزدٸگٸ تۋرالى» زاڭىنىڭ 22-بابىنا سەيكەس, ەنەرگەتيكا ۆيتسە-مينيسترٸ ج.قاراعاەۆتىڭ تٶراعالىعىمەن وبلىس ەكٸمدٸگٸندە گاز جەلٸسٸ ۇيىمدارى ٶكٸلدەرٸنٸڭ قاتىسۋىمەن جينالىس ٶتتٸ. ودان ەرٸ جىل اياعىنا دەيٸن گاز جەلٸسٸ ۇيىمدارىنىڭ قولدۋىمەن ماڭعىستاۋ وبلىسىندا گاز نارىعىندا تەرتٸپ ورنادى.
كوميسسييا گاز ساۋداسىن بەلگٸلەي المايدى
وبلىس ەكٸمدٸگٸنٸڭ گاز بويىنشا جۇمىسشى ورگانى - ماڭعىستاۋ وبلىسىنىڭ ەنەرگەتيكا جەنە تۇرعىن ٷي-كوممۋنالدىق باسقارماسى بولىپ تابىلادى.
گاز جەلٸسٸ ۇيىمدارى ٶزدەرٸنٸڭ گازعا قاتىستى سۇرانىستارىن اي سايىن, ماڭعىستاۋ وبلىسىنىڭ ەنەرگەتيكا جەنە تۇرعىن ٷي-كوممۋنالدىق باسقارماسىنا ۇسىنادى. ودان ەرٸ باسقارما وبلىسقا قاجەتتٸ ەلەۋمەتتٸك گازدى گاز جەلٸسٸ ۇيىمدارى اراسىنا بٶلۋ ٷشٸن, ەنەرگەتيكا مينيسترلٸگٸنٸڭ ەرەجەسٸنە سەيكەس قۇجات جوباسىن دايىنداپ, بٸرگە شەشٸم قابىلداۋ ٷشٸن, كوميسسيياعا ۇسىنادى, كوميسسييا قۇرامى: تٶراعاسى وبلىس ەكٸمٸ ورىنباسارى ع. نييازوۆ, كوميسسييا تٶراعاسى ورىنباسارى ماڭعىستاۋ وبلىسىنىڭ ەنەرگەتيكا جەنە تۇرعىن ٷي-كوممۋنالدىق باسقارماسى باسشىسى ب.قارتباەۆ, كوميسسييا مٷشەلەرٸ وبلىستىق مەسليحاتتىڭ دەپۋتاتتارى ا. سالمانوۆ, ا. سٷگٸرباي, وبلىستىق قوعامدىق كەڭەس مٷشەسٸ و. توعجانوۆ, «اتامەكەن» ۇكپ ورىنباسارى ا. تۇراشەۆا, قەزٸرگٸ «قازاقستان حالقىنا» فوندىنىڭ كوميسسييا مٷشەسٸ ۆ. تريفونوۆ جەنە تاعى باسقالار.
(ع.نييازوۆ 2020 جىلدىڭ ماۋسىم ايىنان باستاپ وبلىس ەكٸمٸنٸڭ ورىنباسارى, ال 2020 جىلدىڭ قاراشا ايىنان 2021 جىلدىڭ قاراشا ايى اراسىندا زاڭناماعا سەيكەس ەلەۋمەتتٸك گازدى, گاز جەلٸلەرٸ ارسىندا بٶلٸنۋٸ كوميسسييا تٶراعاسى بولعان).
كوميسسييا تٶراعاسىمەن ونىڭ مٷشەلەرٸ جەنە ماڭعىستاۋ وبلىسىنىڭ ەنەرگەتيكا جەنە تۇرعىن ٷي-كوممۋنالدىق باسقارماسى گازدىڭ باعاسىنا, ەلەكتروندى ساۋدا الاڭى جۇمىسىنا, گاز ساتۋ ستانسالارىنىڭ جۇمىستارىنا ارالاسۋعا قۇقى جوق. سول سەبەپتٸ, گاز باعاسىنا ىقپال ەتە المايدى.
نەگٸزسٸز ايىپ تاعىلدى
بۇدان كەيٸن, ماڭعىستاۋ وبلىسى ەكٸمٸنٸڭ ورىنباسارى ع.نييازوۆقا, ەنەرگەتيكا مينيسترلٸگٸمەن قازاق گاز ٶڭدەۋ زاۋىتى اراسىنداعى 2021 جىلى جاساقتالعان مەموراندۋمدى بۇزۋ تۋرالى حات جولداپ «ٶزٸنٸڭ قىزمەتٸن اسىرا پايدالانعان» دەگەن ايىپ تاققان.
وسى جەرگە توقتالساق, 2021 جىلى قىركٷيەك ايىندا 350-گە جۋىق گاز ساتۋ ستانساسى بار, قۇرامىندا 250 كەسٸپكەرٸ بار «مۇنايلىاۆتوگاز» اسسوتسياتسيياسى باسشىسى م.نۇرتاەۆ, زاڭمەن رەتتەلمەگەن جوعارى جەنە تٶمەنگٸ شەكتٸ باعانى الىپ تاستاۋ جەنە ەلەكتروندىق ساۋدا الاڭىنداعى كەلەڭسٸز جاعدايلار ورىن الىپ جاتقانى تۋرالى ەنەرگەتيكا مينيسترٸ م.مىرزاعاليەۆكە جەنە وبلىس ەكٸمٸ ن.نوعاەۆقا حات جازادى. بٸراق تا باعانى شەكتەۋگە جەنە ەلەكتروندى ساۋداعا قاتىستى شەشٸم قابىلداۋعا وبلىس ەكٸمدٸگٸنٸڭ قۇزىرى جوق بولعاندىقتان, اسسوتسياتسييا حاتىن تٸركەپ مينيسترلٸككە ع.نييازوۆ شەشٸم قابىلداۋ ٷشٸن حات جولداعان.
بۇل جەردە وبلىس ەكٸمٸ ورىنباسارى «مۇنايلىاۆتوگاز» اسسوتسياتسيياسى ٶتٸنٸشٸن ەنەرگەتيكا مينيسترلٸگٸنە جولداعانى ٷشٸن, ال ەنەرگەتيكا ۆيتسە-مينيسترٸ ەلەكتروندى ساۋدا الاڭىنا ساۋدا-ساتتىقتى زاڭ تالاپتارىنا ساي ٶتكٸزۋگە ۇسىنىس جاساعانى ٷشٸن كٷدٸكتٸ بولىپ وتىرعانى ايان.
پارادوكس, ع.نييازوۆتىڭ قورعاۋشىسى ر.ۋميربولاتوۆتىڭ ساۋالىنا: «ەنەرگەتيكا مينيسترلٸگٸ 2021 جىلى قازاق گاز ٶڭدەۋ زاۋىتىمەن گازدىڭ باعاسىن رەتتەۋ تۋرالى مەموراندۋم بولماعان دەگەن» - رەسمي جاۋاپ بەرگەن.
ماڭعىستاۋدا گازعا بايلانىستى مەسەلەنٸڭ تٷپكٸلٸكتٸ شەشٸلمەي كەلە جاتقانىنا 10-12 جىلداي بولدى. قر قارجىلىق مونيتورينگ اگەنتتٸگٸنٸڭ ماڭعىستاۋ وبلىسى بويىنشا ەكونوميكالىق تەرگەۋ دەپارتامەنتٸ وسى گازعا قاتىستى سۇراقتاردى «قازمۇنايگاز» كومپانيياسىنا باعىنىشتى «قازاق گاز ٶڭدەۋ زاۋىتى» جشس-باسشىلارىنا, ەلەكتروندى ساۋدا الاڭى ارقىلى گاز ساتۋدى ۇيىمداستىرۋشىلارعا, بەسەكەلەستٸكتٸ قورعاۋ جەنە دامىتۋ اگەنتتٸگٸ ٶكٸلدەرٸنە قويۋدىڭ ورنىنا, ەنەرگەتيكا ۆيتسە-مينيسترٸ ج.قاراعاەۆ پەن وبلىس ەكٸمٸنٸڭ ورىنباسارى ع.نييازوۆتى كٷدٸكتٸلەر رەتٸندە قاماۋعا الدى.
بارلىق كٸنەنٸ بٸر ادامعا جابا سالۋ ماقساتىن كٶزدەيدٸ
«ع.نييازوۆ قىزمەتتٸك مٸندەتتەرٸن اسىرا پايدالاندى» دەگەن نەگٸزسٸز كٷدٸككە ٸلٸنٸپ وتىر, ول ٶزٸنٸڭ فۋنكتسيونالدىق مٸندەتتەرٸنە سەيكەس, ەنەرگەتيكا جەنە تۇرعىن ٷي-كوممۋنالدىق باسقارماسىن سونىمەن قاتار كەسٸپكەرلٸك باسقارمالارىنىڭ قىزمەتٸن ەشقاشان قاداعالاعان دا, باسقارعان دا ەمەس. ونىڭ ٷستٸنە, تاعى بٸر تاعىلعان ايىپقا توقتالاتىن بولساق, ع.نييازوۆتىڭ ٶزٸ جەكە دارا, جۇمىس جاسامايتىن گاز جەلٸسٸ ۇيىمدارىنا گاز بٶلگەن دەگەن, شىندىعىنا كەلسەك, ول گاز جەلٸسٸ ۇيىمىنا 2019 جىلدان بەرٸ, ع.نييازوۆقا دەيٸنگٸ كوميسسييامەن دە گاز بٶلٸنگەن (ع.نييازوۆ 2020 جىلدىڭ ماۋسىم ايىنان باستاپ وبلىس ەكٸمٸنٸڭ ورىنباسارى قىزمەتٸن اتقارىپ كەلەدٸ, ال 2020 جىلدىڭ قاراشا ايىنان 2021 جىلدىڭ قاراشا ايى اراسىندا زاڭناماعا سەيكەس گازدى, گاز جەلٸلەرٸ ارسىندا بٶلٸنۋٸ كوميسسييا تٶراعاسى بولعان).
سونداي-اق, وبلىستاعى 10-عا جۋىق گاز جەلٸسٸ ۇيىمدارىنىڭ بارلىعى, ٶكٸلەتتٸ ورگان - ەنەرگەتيكا مينيسترلٸگٸ دەپارتامەنتٸنەن زاڭعا سەيكەس قىزمەت كٶرسەتۋ ٷشٸن العان اككرەديتاتسييالارى بار. كوميسسييا - القالى ورگان, شەشٸم داۋىس بەرۋ ارقىلى قابىلدانادى. كوميسسييا تٶراعاسى جەكە-دارا شەشٸم قابىلداي المايدى. كوميسسييانىڭ اككرەديتاتسيياسى بار گاز جەلٸسٸ ۇيىمدارىنا گاز بٶلمەۋگە قۇقى جوق.
سونىمەن قاتار, قر پرەزيدەنتٸ ق.توقاەۆ شاعىن كەسٸپكەرلٸك سۋبەكتٸلەرٸنە, بارۋ ارقىلى تەكسەرۋلەردٸ, پروفيلاكتيكالىق باقىلاۋ, قاداعالاۋ جەنە تەكسەرۋ جٷرگٸزۋگە 3 جىلعا (2020-2022 جىلدار) موراتوريي جارييالاعان.
سوندىقتان وبلىس ەكٸمٸنٸڭ ورىنباسارى ع.نييازوۆتىڭ ەرەكەتتەرٸندە ەشقانداي قىلمىستىق قۇرام جوق.
بۇل ورىن العان قاڭتار وقيعاسى ٷشٸن ماڭعىستاۋ وبلىسى بويىنشا بارلىق كٸنەنٸ بٸر ادامعا جابا سالۋ ماقساتىن كٶزدەيدٸ.
قۇرمەتتٸ قاسىم-جومارت كەمەلۇلى!
قازاقستان رەسپۋبليكاسىنىڭ كونستيتۋتسيياسى مەن زاڭدارىنىڭ مٷلتٸكسٸز ساقتالۋىنىڭ كەپٸلٸ رەتٸندە جوعارىدا اتالعان مەسەلەدە قىلمىس قۇرامىنىڭ بولماۋىنا بايلانىستى قىلمىستىق ٸستٸ قىسقارتىپ, ماڭعىستاۋ وبلىسى ەكٸمٸنٸڭ ورىنباسارى عالىمجان نييازوۆتى بوساتۋعا جەنە ودان بارلىق ايىپتاۋلاردى الىپ تاستاۋعا جەردەم كٶرسەتۋٸڭٸزدٸ سۇرايمىز!
باقىت ويسا.
