"جايلى مەكتەپ" ۇلتتىق پيلوتتىق جوباسى اياسىندا 2700 ورىندىق 4 مەكتەپتٸڭ قۇرىلىسى باستالدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە وبلىس ەكٸمٸ نۇرلان ۇرانحاەۆ ايتتى, دەپ حابارلايدى Dalanews.kz.
بيىل وبلىس ورتالىعىندا "KAZ Minerals Management" جشس قارجىسى ەسەبٸنەن 1200 ورىندىق ٸت-مەكتەپ اشىلدى. بالالاردى قوسىمشا بٸلٸممەن قامتۋ اياسىن كەڭەيتۋ ٷشٸن كٶپ سالالىوقۋشىلار سارايىنىڭ قۇرىلىسى باستالدى. وسىجىلدىڭ تامىز ايىندا IT جەنە جاڭا تەحنولوگييالار جوعارى كوللەدجٸ, ال قىركٷيەكتە مۇحتار ەۋەزوۆ اتىنداعى پەداگوگيكالىق كوللەدجدە "قاراجىرا" اق قاراجاتىنا سالىنعان 300 ورىندىق كونتسەرت زالى پايدالانۋعا بەرٸلدٸ.
2025 جىلعا دەيٸنگٸ "اۋىلدىق دەنساۋلىق ساقتاۋدى جاڭعىرتۋ" ۇلتتىق جوباسى اياسىندا وبلىستا جالپى قۇنى 14,8 ملرد تەڭگەنٸ قۇرايتىن 65 العاشقى مەديتسينالىق-سانيتارلىق كٶمەك كٶرسەتۋ نىسانىنىڭ قۇرىلىسى جٷرگٸزٸلۋدە. ونىڭ ٸشٸندە 64 نىسان بيىل, بٸرەۋٸ 2025 جىلى پايدالانۋعا بەرٸلمەك.
مەديتسينالىق قىزمەت وبلىستىڭ اۋىلدارىندا دا كەڭەيٸپ كەلەدٸ. كٶكپەكتٸ جەنە ٷرجار اۋداندارىندا دياليز ورتالىقتارى اشىلدى. جىل سوڭىنا دەيٸن اقسۋات اۋىلىندا تاعى بٸرەۋٸن اشۋ جوسپارلانۋدا. جەدەل جەردەم اۋرۋحاناسى جاساندى قان اينالىماپپاراتىمەن جابدىقتالعان. بۇل قان اينالىمىن تولىق توقتاتىپ, اشىق تۇرعان جٷرەككە وپەراتسييا جاساۋعا مٷمكٸندٸك بەردٸ.
بيىل دەنساۋلىق ساقتاۋ نىساندارىنىڭ ماتەريالدىق-تەحنيكالىق بازاسىن نىعايتۋعا 2,8 ملرد تەڭگە بٶلٸندٸ. قازٸردٸڭ ٶزٸندە 100 دانا مەديتسينالىق قۇرال-جابدىق ساتىپ الىندى.
