"Jaıly mektep" ulttyq pılottyq jobasy aıasynda 2700 oryndyq 4 mekteptiń qurylysy bastaldy. Bul týraly Ortalyq komýnıkasıalar qyzmetinde ótken brıfıńte oblys ákimi Nurlan Uranhaev aıtty, dep habarlaıdy Dalanews.kz.
Bıyl oblys ortalyǵynda "KAZ Minerals Management" JSHS qarjysy esebinen 1200 oryndyq İT-mektep ashyldy. Balalardy qosymsha bilimmen qamtý aıasyn keńeıtý úshin kóp salalyOqýshylar saraıynyń qurylysy bastaldy. Osyjyldyń tamyz aıynda IT jáne jańa tehnologıalar joǵary koleji, al qyrkúıekte Muhtar Áýezov atyndaǵy pedagogıkalyq kolejde "Qarajyra" AQ qarajatyna salynǵan 300 oryndyq konsert zaly paıdalanýǵa berildi.
2025 jylǵa deıingi "Aýyldyq densaýlyq saqtaýdy jańǵyrtý" ulttyq jobasy aıasynda oblysta jalpy quny 14,8 mlrd teńgeni quraıtyn 65 alǵashqy medısınalyq-sanıtarlyq kómek kórsetý nysanynyń qurylysy júrgizilýde. Onyń ishinde 64 nysan bıyl, bireýi 2025 jyly paıdalanýǵa berilmek.
Medısınalyq qyzmet oblystyń aýyldarynda da keńeıip keledi. Kókpekti jáne Úrjar aýdandarynda dıalız ortalyqtary ashyldy. Jyl sońyna deıin Aqsýat aýylynda taǵy bireýin ashý josparlanýda. Jedel járdem aýrýhanasy jasandy qan aınalymapparatymen jabdyqtalǵan. Bul qan aınalymyn tolyq toqtatyp, ashyq turǵan júrekke operasıa jasaýǵa múmkindik berdi.
Bıyl densaýlyq saqtaý nysandarynyń materıaldyq-tehnıkalyq bazasyn nyǵaıtýǵa 2,8 mlrd teńge bólindi. Qazirdiń ózinde 100 dana medısınalyq qural-jabdyq satyp alyndy.
