نۇر-مٷباراك ەگيپەت يسلام مەدەنيەتٸ ۋنيۆەرسيتەتٸ جاستاردى راديكالدى جەنە دەسترۋكتيۆتٸ اعىمداردان قورعاۋ باعىتىندا جٷيەلٸ جۇمىستار جٷرگٸزٸپ كەلەدٸ, دەپ حابارلايدى Dalanews.kz.
ۋنيۆەرسيتەتتە الدىن الۋ شارالارى ەڭ الدىمەن بٸلٸم بەرۋ ارقىلى جٷزەگە اسادى. ستۋدەنتتەرگە دەستٷرلٸ يسلام نەگٸزدەرٸ – حانافي مەزھابى مەن ماتۋريدي اقيداسى وقىتىلىپ, راديكالدى يدەولوگييالاردىڭ ەرەكشەلٸكتەرٸن تالداۋعا ارنالعان ارنايى پەندەر ەنگٸزٸلگەن.
سونىمەن قاتار, وقۋ ورنىندا قوسىمشا بٸلٸم بەرۋ ورتالىعى جۇمىس ٸستەيدٸ. بۇل ورتالىق ستۋدەنتتەردٸڭ بوس ۋاقىتىندا كەسٸبي بٸلٸمٸن تولىقتىرۋىنا جەنە وتاندىق دٸني عۇلامالاردىڭ ەڭبەكتەرٸن تەرەڭٸرەك زەرتتەۋٸنە مٷمكٸندٸك بەرەدٸ.
ۋنيۆەرسيتەت جانىنداعى دٸني ەكسترەميزمگە قارسى ٸس-قيمىل ورتالىعى دا بەلسەندٸ قىزمەت اتقارادى. ونىڭ اياسىندا تٷرلٸ سالا ماماندارىنىڭ قاتىسۋىمەن كەزدەسۋلەر ٶتكٸزٸلٸپ, جاستار اراسىندا ۇلتتىق قۇندىلىقتاردى ناسيحاتتاۋعا ەرەكشە كٶڭٸل بٶلٸنەدٸ.
مامانداردىڭ ايتۋىنشا, جاستاردى جالعان دٸني اقپاراتتان قورعاۋ ٷشٸن ساپالى ەرٸ سەنٸمدٸ كونتەنتتٸ كٶبەيتۋ, سىني ويلاۋ قابٸلەتٸن دامىتۋ جەنە دەستٷرلٸ رۋحاني قۇندىلىقتاردى كەڭٸنەن تٷسٸندٸرۋ قاجەت.
بۇل شارالار جاستاردىڭ راديكالدى يدەولوگييالارعا قارسى يممۋنيتەتٸن قالىپتاستىرىپ, قوعامداعى رۋحاني تۇراقتىلىقتى ساقتاۋعا ىقپال ەتەدٸ.
