Nur-Múbarak Egipet islam mádenieti ýniversiteti jastardy radikaldy jáne destrýktivti aǵymdardan qorǵaý baǵytynda júieli jumystar júrgizip keledi, dep habarlaidy Dalanews.kz.
Ýniversitette aldyn alý sharalary eń aldymen bilim berý arqyly júzege asady. Stýdentterge dástúrli islam negizderi – hanafi mázhaby men matýridi aqidasy oqytylyp, radikaldy ideologiialardyń erekshelikterin taldaýǵa arnalǵan arnaiy pánder engizilgen.
Sonymen qatar, oqý ornynda qosymsha bilim berý ortalyǵy jumys isteidi. Bul ortalyq stýdentterdiń bos ýaqytynda kásibi bilimin tolyqtyrýyna jáne otandyq dini ǵulamalardyń eńbekterin tereńirek zertteýine múmkindik beredi.
Ýniversitet janyndaǵy dini ekstremizmge qarsy is-qimyl ortalyǵy da belsendi qyzmet atqarady. Onyń aiasynda túrli sala mamandarynyń qatysýymen kezdesýler ótkizilip, jastar arasynda ulttyq qundylyqtardy nasihattaýǵa erekshe kóńil bólinedi.
Mamandardyń aitýynsha, jastardy jalǵan dini aqparattan qorǵaý úshin sapaly ári senimdi kontentti kóbeitý, syni oilaý qabiletin damytý jáne dástúrli rýhani qundylyqtardy keńinen túsindirý qajet.
Bul sharalar jastardyń radikaldy ideologiialarǵa qarsy immýnitetin qalyptastyryp, qoǵamdaǵy rýhani turaqtylyqty saqtaýǵa yqpal etedi.
