Astana – Petropavl tasjolynda órtengen kólikten aman qalǵan er adamnyń jaǵdaiy óte aýyr. Qazirgi ýaqytta ol Aqkól aýdandyq aýrýhanasynyń jansaqtaý bóliminde em qabyldap jatyr, dep habarlaidy dalanews.kz.
Aqmola oblystyq densaýlyq saqtaý basqarmasynyń málimetinshe, naýqastyń denesiniń kóp bóligin kúiik shalǵan. Osyǵan bailanysty ony basqa meditsinalyq mekemege tasymaldaý ázirge múmkin emes.
"Patsient jansaqtaý bóliminde óte aýyr jaǵdaida jatyr. Denesiniń zaqymdaný aýmaǵy úlken bolǵandyqtan, ony tasymaldaýǵa kelmeidi. Qazirgi ýaqytta naýqasta kúiik shogy baiqalady", – dep habarlady basqarma ókilderi.
Dárigerler zardap shekken azamattyń jaǵdaiyn turaqtandyrý úshin qajetti meditsinalyq kómek kórsetip jatyr.
