Atyraýda Qarabalinder otbasynyń qazasyna qatysty isti qaraǵan sýdia Zarema Hamidýllina Sultan Sársemálievke ómir boiyna bas bostandyǵynan aiyrý jazasynyń taǵaiyndalý sebebin túsindirdi, dep habarlaidy dalanews.kz.
Sýdianyń aitýynsha, saraptama qorytyndysy sottalýshynyń aqyl-esi durys ekenin kórsetken. Sondai-aq onyń qylmysty aldyn ala josparlap, tórt adamdy qasaqana óltirgeni sot barysynda dáleldengen.
"Sársemálievtiń 2025 jyldyń mamyr aiynan jeltoqsanǵa deiin tórt adamdy qasaqana qazaǵa ushyratqany tolyq dáleldendi. Budan bólek, ol jábirlenýshiler qaitys bolǵannan keiin alaiaqtyq, urlyq, jeke kýálikterdi iemdený jáne olardyń múlkin talan-tarajǵa salý sekildi birneshe quqyq buzýshylyq jasaǵan", – dedi sýdia.
Tergeý materialdaryna sáikes, sottalýshy marqumdardyń atyna nesie rásimdep, aýyl turǵyndaryna qaza bolǵan Naýryzdyń atynan habarlamalar jibergen. Sondai-aq adamdardy aldap, onyń malyn satyp jibergen.
Sot osy mán-jailardyń barlyǵyn eskerip, Sultan Sársemálievti qoǵamnan ómir boiyna oqshaýlaý týraly sheshim qabyldaǵan.
