اباي ۋنيۆەرسيتەتٸندە «مەكتەپ جەنە جوعارى وقۋ ورنىنداعى بٸلٸم بەرۋدەگٸ التىن وردا تاريحى» اتتى حالىقارالىق عىلىمي دٶڭگەلەك ٷستەل ٶتتٸ. وتاندىق جەنە شەتەلدٸك جەتەكشٸ عالىمدار, تاريحشىلار مەن پەداگوگتار جوشى ۇلىسىنىڭ مۇراسىن زاماناۋي بٸلٸم جٷيەسٸنە ينتەگراتسييالاۋدىڭ جاڭا تۇجىرىمداماسىن تالقىلاپ, مەكتەپ وقۋلىقتارى مەن جوو بٸلٸم بەرۋ باعدارلامالارىن جاڭعىرتۋعا باعىتتالعان ماڭىزدى قارار قابىلدادى, دەپ حابارلايدى dalanews.kz.
حالىقارالىق باسقوسۋ التىن وردانىڭ ورتاعاسىرلىق ەۋرازييا تاريحىنداعى, سونىڭ ٸشٸندە قازاق مەملەكەتتٸلٸگٸنٸڭ قالىپتاسۋى مەن دامۋىنداعى ٸرگەلٸ رٶلٸن زاماناۋي عىلىمي جەتٸستٸكتەر تۇرعىسىنان زەردەلەۋدٸ ماقسات ەتتٸ. جيىندا ۋنيۆەرسيتەتتٸڭ زەرتتەۋ قىزمەتٸ جەنە يننوۆاتسييا جٶنٸندەگٸ پرورەكتورى ەرتاي سۇلتان, تٷركييانىڭ انكارا ۋنيۆەرسيتەتٸنٸڭ پروفەسسورى ابدۋللاح گيۋندوگدۋ, بەلگٸلٸ تاريحشى قانات ٶسكەنباي, اباي اتىنداعى قازۇپۋ دوتسەنتٸ فاكييا شامشيدەنوۆا, سونداي-اق تاريح پەنٸنٸڭ مۇعالٸمدەرٸ مەن دوكتورانتتار بايانداما جاسادى. سپيكەرلەر جوشى ۇلىسىنىڭ تاريحناماسى مەن ونى بٷگٸنگٸ بۋىنعا وقىتۋدىڭ ەدٸستەمەلٸك ەرەكشەلٸكتەرٸن جان-جاقتى تالدادى.
عىلىمي جيىندا قابىلدانعان قاراردىڭ باستى باعىتتارىنىڭ بٸرٸ – تاريح پەنٸنٸڭ وقىتۋدىڭ جٷيەسٸن جاڭعىرتۋ. عالىمدار مەن مۇعالٸمدەر «قازاقستان تاريحى» جەنە «دٷنيەجٷزٸ تاريحى» وقۋلىقتارىنداعى التىن وردا تاريحىنا قاتىستى تاراۋلاردى تٷبەگەيلٸ قايتا قاراۋدى ۇسىندى. جاڭا تۇجىرىمداماعا سەيكەس ۇلىق ۇلىس تەك جاۋلاۋشى ەسكەري مەملەكەت ەمەس, دامىعان قالا مەدەنيەتٸ, ٶركەندەگەن ساۋدا جٷيەسٸ, وزىق ديپلوماتيياسى مەن بٸرەگەي قۇقىقتىق ينستيتۋتى قالىپتاسقان ورتاعاسىرلىق ٶركەنيەت وشاعى رەتٸندە سيپاتتالۋى تيٸس. وقۋ ٷدەرٸسٸن زامان تالابىنا ساي تسيفرلاندىرۋ ٷشٸن ينتەراكتيۆتٸ كارتالار, ماڭىزدى تاريحي نىسانداردىڭ 3D مودەلدەرٸ مەن دەرەكتٸ-تانىمدىق انيماتسييالىق ماتەريالداردى ەنگٸزۋ دە قاراستىرىلدى.
سونىمەن قاتار, جوعارى بٸلٸم بەرۋ باعدارلامالارىنىڭ مازمۇنىن تەرەڭدەتۋ ماقساتىندا ماڭىزدى قادامدار جاسالماق. جيىندا ەۋرازييا كەڭٸستٸگٸندەگٸ تاريحي پروتسەستەردٸ تەرەڭ تٷسٸندٸرۋ ٷشٸن جوعارى وقۋ ورىندارىندا «التىن وردا: مەملەكەت, قوعام, مەدەنيەت» اتتى مٸندەتتٸ بازالىق پەن ەنگٸزۋ تۋرالى باستاما كٶتەرٸلدٸ. وعان قوسا, تاريح باعىتىندا باكالاۆريات جەنە ماگيستراتۋرا دەڭگەيٸندە جوشى ۇلىسىنىڭ تاريحناماسى, دەرەكتانۋى مەن ارحەولوگيياسىنا ارنالعان ەلەكتيۆتٸ پەندٸك باعدارلاما ەزٸرلەنەدٸ. ستۋدەنتتەر مەن جاس زەرتتەۋشٸلەردٸڭ ورتاعاسىرلىق جازبا دەرەككٶزدەرٸمەن تٸكەلەي جۇمىس ٸستەۋ داعدىلارىن ارتتىرۋ ٷشٸن عىلىمي-پراكتيكالىق سەمينارلاردى تۇراقتى ۇيىمداستىرۋ دا جوسپارلانعان.
اتالعان ستراتەگييالىق مٸندەتتەردٸ ٷيلەستٸرۋ جەنە حالىقارالىق عىلىمي-ساراپتامالىق حاب قالىپتاستىرۋ ماقساتىندا اباي اتىنداعى قازۇپۋ-دىڭ تاريح جەنە قۇقىق فاكۋلتەتٸ جانىنان «التىن وردا ٶركەنيەتٸ جەنە شىعىس قولجازبا مۇراسى» عىلىمي-زەرتتەۋ ورتالىعى قۇرىلادى. بۇل ورتالىق تالانتتى جاس عالىمدارعا قولداۋ كٶرسەتٸپ, ارحەولوگييالىق ەكسپەديتسييالارعا, شەتەلدٸك مۇراعاتتارداعى زەرتتەۋ جۇمىستارىنا تارتۋمەن جەنە اكادەمييالىق ۇتقىرلىقتى قامتاماسىز ەتۋمەن اينالىسادى.
اباي ۋنيۆەرسيتەتٸ اتالعان بارلىق ماڭىزدى باستامالاردىڭ ورىندالۋىن باقىلايتىن جەنە ٷيلەستٸرەتٸن نەگٸزگٸ ورتالىق رەتٸندە جۇمىس ٸستەيدٸ. دٶڭگەلەك ٷستەلدە قابىلدانعان قورىتىندى قارار قازاقستان رەسپۋبليكاسىنىڭ عىلىم جەنە جوعارى بٸلٸم مينيسترلٸگٸنە, وقۋ-اعارتۋ مينيسترلٸگٸنە جەنە ۇلتتىق بٸلٸم اكادەميياسىنا قاراۋعا جەنە ٸس-تەجٸريبەگە ەنگٸزۋگە جولدانادى.
