قازاقستاننىڭ جارناما جەنە كرەاتيۆتٸ يندۋسترييا ٶكٸلدەرٸ سالىق زاڭناماسىنا ەنگٸزٸلگەلٸ جاتقان ٶزگەرٸستەرگە الاڭداۋلى. ولار بۇل مەسەلەگە قاتىستى ەل بيلٸگٸنە اشىق نارازىلىق بٸلدٸردٸ,- دەپ حابارلايدى Dalanews.kz.
قازاقستاننىڭ جارناما جەنە كرەاتيۆتٸ سالاسىندا جۇمىس ٸستەيتٸن ماماندارى جاڭا سالىق كودەكسٸنە ەنگٸزٸلەتٸن ٶزگەرٸستەرگە نارازىلىق بٸلدٸرٸپ, ەل باسشىلىعىنا ٷندەۋ جولداپ وتىر.
كرەاتيۆتٸ سالا ٶكٸلدەرٸ حاتتا سالىق سالۋدىڭ جالپى بەلگٸلەنگەن تەرتٸبٸ بويىنشا جۇمىس ٸستەيتٸن كومپانييالار ٷشٸن جەڭٸلدەتٸلگەن جٷيەدەگٸ جەكە كەسٸپكەرلەردەن (جك) ساتىپ الىنعان قىزمەتتەردٸڭ شىعىندارىن سالىق ەسەبٸندە ساقتاپ قالۋدى سۇراپ وتىر.
سالىق كودەكسٸنٸڭ قازٸرگٸ نۇسقاسىنا ۇسىنىلعان ٶزگەرٸستەرگە سەيكەس, جالپى بەلگٸلەنگەن تەرتٸپ بويىنشا جۇمىس ٸستەيتٸن زاڭدى تۇلعالار مەن جەكە كەسٸپكەرلەر جەڭٸلدەتٸلگەن سالىق رەجيمٸندەگٸ جەكە كەسٸپكەرلەردەن ساتىپ الىنعان قىزمەتتەردٸ شىعىن رەتٸندە ەسەپتەي المايدى. بۇل دەگەنٸمٸز:
- جەكە كەسٸپكەرلەر ٷشٸن بۇل B2B سەگمەنتٸندە زاڭدى جۇمىس ٸستەۋ مٷمكٸندٸگٸنٸڭ ايتارلىقتاي شەكتەلۋٸ. ولار ٷشٸن "جەڭٸلدەتٸلگەن رەجيم" – قىزمەتٸن زاڭدى تٷردە جالعاستىرۋدىڭ جالعىز جولى. سەبەبٸ ولاردىڭ اينالىمى از, جەكە بۋحگالتەر جالداۋعا مٷمكٸندٸگٸ جوق, جالپى تەرتٸپكە كٶشۋ ولاردىڭ قىزمەتٸن ەكونوميكالىق تۇرعىدان تيٸمسٸز ەتەدٸ.
- جارناما اگەنتتٸكتەرٸ مەن پروداكشن-ستۋدييالار ٷشٸن شىعىن كەم دەگەندە 20%-عا ٶسٸپ, كەلٸسٸم جاسالاتىن سەرٸكتەستەر قاتارى ايتارلىقتاي ازايادى, ەكٸمشٸلٸك جۇمىستار كٷردەلەنەدٸ.
- ۆيدەوگرافتار, انيماتورلار, ديزاينەرلەر, دىبىس رەجيسسەرلەرٸ سيياقتى تالانتتى مامانداردىڭ نارىقتان كەتۋ قاۋپٸ بار.
- جالپى ەكونوميكا ٷشٸن زاڭسىز ەڭبەك نارىعىنىڭ ۇلعايۋ, سالىق ازايۋ, شاعىن بيزنەستٸڭ بەسەكەگە قابٸلەتتٸلٸگٸنٸڭ تٶمەندەۋ, كادرلاردىڭ شەتەلگە كەتۋ قاۋپٸ بار. بۇدان كرەاتيۆتٸ يندۋسترييا عانا ەمەس, سونىمەن قاتار, تسيفرلىق ٶنٸمدەر, جاساندى ينتەللەكت, مەديا مەن كينو سەكٸلدٸ باسقا دا ارالاس سالالار زارداپ شەگەدٸ.
جارناما سالاسىنىڭ ٶكٸلدەرٸ مىناداي ۇسىنىستار جاساپ وتىر:
- جەڭٸلدەتٸلگەن رەجيمدەگٸ جك-لاردىڭ B2B سەگمەنتٸندە, ياعني زاڭدى تۇلعالار مەن جالپى بەلگٸلەنگەن تەرتٸپتەگٸ جك-لارعا قىزمەت كٶرسەتۋ قۇقىعىن ساقتاپ قالۋ.
- جالپى بەلگٸلەنگەن تەرتٸپتەگٸ كومپانييالار مەن جك-لار ٷشٸن جەڭٸلدەتٸلگەن جٷيەدەگٸ جك-لاردان ساتىپ العان قىزمەتتەرٸن كەلٸسٸمشارت جەنە قارجىلىق قۇجاتتار بولعان جاعدايدا شىعىن رەتٸندە ەسەپكە الۋ مٷمكٸندٸگٸن قالدىرۋ.
- قاجەت بولعان جاعدايدا جەڭٸلدەتٸلگەن رەجيمدەگٸ, B2B سەگمەنتٸندە جۇمىس ٸستەيتٸن جك-لار ٷشٸن بٶلەك, مىسالى 6-8% كٶلەمٸندە ارنايى سالىق مٶلشەرلەمەسٸن بەلگٸلەۋ.
- قاجەت بولعان جاعدايدا جك-لاردان ساتىپ الىنعان قىزمەت شىعىنىنا بەلگٸلٸ بٸر شەكتٸ بەلگٸلەۋ (مىسالى جىلىنا 100 ملن تەڭگەگە دەيٸن).
بۇل حاتتار پرەمەر-مينيستر ولجاس بەكتەنوۆكە, پارلامەنت سەناتىنىڭ تٶراعاسى مەۋلەن ەشٸمباەۆقا, مەجٸلٸس تٶراعاسى ەرلان قوشانوۆقا, مەملەكەتتٸك كەڭەسشٸ ەرلان قارينگە جەنە پرەزيدەنت ەكٸمشٸلٸگٸنٸڭ باسشىسى ايبەك دەدەباەۆقا eotinish.kz ەلەكترون پلاتفورماسى ارقىلى 19 ماۋسىمدا جولدانعان.
بارلىق حات بويىنشا ورىنداۋشىلار تاعايىندالعان, جاۋاپ بەرۋ مەرزٸمٸ – 2025 جىلدىڭ 10 شٸلدەسٸنە دەيٸن. سونىمەن قاتار, ەلەكترون فورماتپەن قاتار, قول قويىلعان حاتتار دا دايىندالىپ, جولدانباق.
مۇنداي بٸرلەسكەن ٸس-ەرەكەتكە تٷرتكٸ بولعان – 29 مامىردا Almaty Creative Hub الاڭىندا MarCom Club CA قاۋىمداستىعىنىڭ باستاماسىمەن ٶتكەن جارناما سالاسىنىڭ ٶكٸلدەرٸنٸڭ كەزدەسۋٸ. بۇل باسقوسۋ باستاپقىدا جارناما, PR مەن ماركەتينگ سالالارى كرەاتيۆتٸ يندۋستريياعا كٸرە مە جەنە قانداي سالىق جەڭٸلدٸكتەرٸنە قول جەتكٸزۋگە بولاتىنىن تالقىلاۋعا ارنالعان ەدٸ. بٸراق جيىن بارىسىندا جەكە كەسٸپكەرلەردٸڭ قىزمەتٸنە قاتىستى سالىق شەكتەۋٸنٸڭ سالدارى دا تالقىلانىپ, وسى مەسەلە تٶڭٸرەگٸندە كەسٸبي چات اشىلىپ, بٸرلەسكەن حات دايىندالدى. قۇجاتقا جيىنعا قاتىسقان مامانداردان بٶلەك, كەيٸن قوسىلعان ماماندار مەن كومپانييالاردى قوسقاندا بارلىعى 30-دان اسا ادام قول قويعان.
ەسكە سالايىق, بۇعان دەيٸن مەجٸلٸس دەپۋتاتتارى جاڭا سالىق كودەكسٸ مەن سالىق سالۋ مەسەلەلەرٸ بويىنشا ٸلەسپە تٷزەتۋلەردٸ ەكٸنشٸ وقىلىمدا قابىلدادى. دەپۋتاتتار پەن ٷكٸمەتتٸڭ بiرلەسكەن جۇمىسى نەتيجەسiندە, سونىڭ ٸشٸندە قوسىلعان قۇن سالىعى رەفورماسى بويىنشا بٸرقاتار شەشiم قابىلدانعان بولاتىن.
