سولتۇستىك افريكا جاعالاۋىندا اپاتقا ۇشىراعان تانكەردە قازاقستان مۇنايى بولۋى مۇمكىن دەگەن اقپاراتقا بايلانىستى ەنەرگەتيكا مينيسترلىگى رەسمي مالىمدەمە جاسادى، - دەپ حابارلايدى Dalanews.kz
ۆەدومستۆونىڭ حابارلاۋىنشا، اپاتقا ۇشىراعان Vilamoura تانكەرى جەكە مەنشىككە تيەسىلى جانە سوڭعى رەت ليۆيا پورتتارىندا جۇكتەلگەن.
«اپات كەزىندە تانكەر بورتىندا قازاقستان مۇنايى بولعانى تۋرالى اقپارات شىندىققا جاناسپايدى»، – دەلىنگەن مينيسترلىك حابارلاماسىندا.
Bloomberg اگەنتتىگىنىڭ مالىمەتىنشە، گرەك TMS Tankers كومپانياسىنا تيەسىلى تانكەر بورتىندا 1 ميلليون باررەل مۇناي بولعان. ليۆيا جاعالاۋىندا ورىن العان جارىلىس سالدارىنان كەمەنىڭ ماشينا ءبولىمى سۋ استىندا قالعان، الايدا مۇناي توگىلۋ دەرەگى تىركەلمەگەن. ەكيپاج مۇشەلەرى زارداپ شەكپەگەن، تانكەردى قازىرگى ۋاقىتتا گرەكياعا سۇيرەپ اپارا جاتىر.
Vilamoura كەمەسى زەيتين پورتى ارقىلى گيبرالتار بۇعازىنا بەت العان. تەڭىز جولدارىن باقىلاۋ جۇيەلەرىنىڭ مالىمەتىنشە، بۇل تانكەر ءساۋىر جانە مامىر ايلارىندا رەسەيدىڭ ۋست-لۋگا پورتىنا جانە نوۆوروسسييسك ماڭىنداعى كتك تەرمينالىنا توقتاعان.
مينيسترلىك بۇل وقيعانىڭ قازاقستان مۇنايىمەن ەش بايلانىسى جوق ەكەنىن جانە رەسمي دەرەك كوزدەرىنە سۇيەنۋدى ەسكەرتتى.
