مينيستر الداعى ۋاقىتتا سۇرانىسقا يە بولاتىن ماماندىق تارتۋرالى اڭگىمەلەدى. ونىڭ پايىمىنشا، ەل ەكونوميكاسىن دامىتۋ ءۇشىن ءبىز مىقتى ينجەنەرلىك كادرلاردى تاربيەلەۋىمىز كەرەك.
قازاقستانداعى ينجەنەرلىك كادرلار ق.ي.ساتبايەۆ اتىنداعى قازۇتزۋ، اكادەميك ءابىلقاس ساعىنوۆ اتىنداعى قارتۋ، ش.ەسەنوۆ اتىنداعى كاسپيي تەحنولوگيا جانە ينجينيرينگ ۋنيۆەرسيتەتى، قاراعاندى يندۋستريالدى ۋنيۆەرسيتەتى، ع.داۋكەيەۆ اتىنداعى الماتى ەنەرگەتيكا جانە بايلانىس ۋنيۆەرسيتەتى، د.سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتى سياقتى تەحنيكالىق جوعارى وقۋ ورىندارىندا دايىندالاتىنى بارشاعا ءمالىم.
"تەحنيكتەر" اگرارلىق، ەنەرگەتيكالىق، مەتاللۋرگيا، قۇرىلىس، ماشينا جاساۋ جانە ت.ب. كوپتەگەن سالالاردا سۇرانىسقا يە.
ءقازىر مينيسترلىك تەحنيكالىق ماماندارعا ءبىلىم بەرۋ ءتاسىلىن ستراتەگيالىق وزگەرتۋ بويىنشا جۇمىستار جۇرگىزۋدە، سونداي-اق شەتەلدىك جوعارى وقۋ ورىندارىنىڭ تاجىريبەسىن زەردەلەپ، جوعارى وقۋ ورىندارىنىڭ بازاسىن جاقسارتىپ، بەيىمدەۋگە كۇش بىرىكتىرىپ وتىر"، - دەپ جازدى ساياسات نۇربەك ءوزىنىڭ تەلەگرام ارناسىندا.
مىسالى، ايماقتىق د.سەرىكبايەۆ اتىنداعى شقتۋ-دا وتكەن جىلدىڭ سوڭىندا تيانسزين كاسىپتىك ينستيتۋتىمەن (قحر) بىرلەسىپ، زاماناۋي وقۋ پلاتفورمالارىندا ينجەنەرلىك پراكتيكانى قولدانا وتىرىپ، يننوۆاسيالىق ادىستەر بويىنشا كولىك ينجەنەر-ستۋدەنتتەر وقىتىلاتىن بىرەگەي لۋ بان شەبەرحاناسى اشىلدى. شەتەلدىك سەرىكتەس جوعارى وقۋ ورىندارىمەن بىرلەسكەن جۇمىس وتاندىق جوعارى وقۋ ورىندارىنىڭ كاسىبيلىگى مەن جوعارى ءبىلىم دەڭگەيىن كورسەتەدى.
بيىل شقتۋ بازاسىندا مەتاللۋرگيا جانە پايدالى قازبالاردى ءوندىرۋ سالاسىنداعى قازاقستان-گەرمانيا عىلىم جانە تەحنولوگيالار ينستيتۋتىن اشۋ جوسپارلانۋدا.
"قۇرمەتتى مەكتەپ تۇلەكتەرى مەن اتا-انالار، ماماندىق تاڭداعاندا تەحنيكالىق ماماندىقتارعا نازار اۋدارىڭىز. "تەحنيك" ماماندارى ءاردايىم قاجەت، سەبەبى مۇنداي ماماندىقتىڭ بەدەلى كۇن وتە ارتىپ كەلەدى"، - دەگەن ساياسات نۇربەك.
