Ministr aldaǵy ýaqytta suranysqa ie bolatyn mamandyq tartýraly áńgimeledi. Onyń paiymynsha, el ekonomikasyn damytý úshin biz myqty injenerlik kadrlardy tárbieleýimiz kerek.
Qazaqstandaǵy injenerlik kadrlar Q.I.Sátbaev atyndaǵy QazUTZÝ, akademik Ábilqas Saǵynov atyndaǵy QarTÝ, Sh.Esenov atyndaǵy Kaspii tehnologiia jáne injiniring ýniversiteti, Qaraǵandy indýstrialdy ýniversiteti, Ǵ.Dáýkeev atyndaǵy Almaty energetika jáne bailanys ýniversiteti, D.Serikbaev atyndaǵy Shyǵys Qazaqstan tehnikalyq ýniversiteti siiaqty tehnikalyq joǵary oqý oryndarynda daiyndalatyny barshaǵa málim.
"Tehnikter" agrarlyq, energetikalyq, metallýrgiia, qurylys, mashina jasaý jáne t.b. kóptegen salalarda suranysqa ie.
Qazir ministrlik tehnikalyq mamandarǵa bilim berý tásilin strategiialyq ózgertý boiynsha jumystar júrgizýde, sondai-aq sheteldik joǵary oqý oryndarynyń tájiribesin zerdelep, joǵary oqý oryndarynyń bazasyn jaqsartyp, beiimdeýge kúsh biriktirip otyr", - dep jazdy Saiasat Nurbek óziniń telegram arnasynda.
Mysaly, aimaqtyq D.Serikbaev atyndaǵy ShQTÝ-da ótken jyldyń sońynda Tiantszin kásiptik institýtymen (QHR) birlesip, zamanaýi oqý platformalarynda injenerlik praktikany qoldana otyryp, innovatsiialyq ádister boiynsha kólik injener-stýdentter oqytylatyn biregei Lý Ban sheberhanasy ashyldy. Sheteldik seriktes joǵary oqý oryndarymen birlesken jumys otandyq joǵary oqý oryndarynyń kásibiligi men joǵary bilim deńgeiin kórsetedi.
Biyl ShQTÝ bazasynda metallýrgiia jáne paidaly qazbalardy óndirý salasyndaǵy Qazaqstan-Germaniia ǵylym jáne tehnologiialar institýtyn ashý josparlanýda.
"Qurmetti mektep túlekteri men ata-analar, mamandyq tańdaǵanda tehnikalyq mamandyqtarǵa nazar aýdaryńyz. "Tehnik" mamandary árdaiym qajet, sebebi mundai mamandyqtyń bedeli kún óte artyp keledi", - degen Saiasat Nurbek.
