جەكسەنبٸ كٷنٸ جاپونييادا كەزەكتٸ جالپىحالىقتىق سايلاۋ ٶتەدٸ. بۇل - سوڭعى ەكٸ جىل ٸشٸندەگٸ ەكٸنشٸ سايلاۋ. كەزەكتەن تىس داۋىس بەرۋ بيلٸك باسىنداعى پارتييانى دا, وپپوزيتسييانى دا, سونداي-اق سايلاۋشىلاردىڭ ەدەۋٸر بٶلٸگٸن توسىننان تاپ قىلدى, دەپ حابارلايدى Dalanews.kz.
بۇل تۋرالى BBC ساراپتامالىق ماقالا جارييالادى. جاپونييانىڭ پرەمەر-مينيسترٸ ساناە تاكايتي پارلامەنتتٸ تاراتىپ, 19 قاڭتاردا كەزەكتەن تىس سايلاۋ ٶتەتٸنٸن جارييالادى. بۇل شەشٸم ونىڭ پرەمەر-مينيستر قىزمەتٸنە كٸرٸسكەنٸنە نەبەرٸ ٷش اي تولماي جاتىپ قابىلداندى.
جاپونييا تاريحىنداعى العاشقى ەيەل پرەمەر ٶزٸنە دەگەن جەكە قولداۋعا سەنٸم ارتىپ وتىر. ول پارتيياسى بٸر جىل بۇرىن قول جەتكٸزە الماعان ماقساتقا - ۇزاق ۋاقىتتان بەرٸ بيلٸك باسىندا بولعانىمەن, قوعامدا ايتارلىقتاي تانىمالدىعىن جوعالتقان ليبەرالدى-دەموكراتييالىق پارتيياعا (لدپ) ناقتى قوعامدىق ماندات الۋعا ٷمٸتتەنەدٸ.
الايدا بۇل - تەۋەكەلٸ جوعارى ساياسي قادام. تاكايتيدٸڭ الدىنداعى پرەمەر سيگەرۋ يسيبا دەل وسىنداي ەرەكەتكە بارىپ, اۋىر جەڭٸلٸسكە ۇشىراعان بولاتىن. ەندٸ سايلاۋشىلار ساناە تاكايتيدٸڭ بۇل بەسٸ ٶزٸن اقتاي ما, جوق پا - سونى شەشۋٸ تيٸس.
«قازٸرگٸ جاعدايدىڭ باستى ەرەكشەلٸگٸ - ونىڭ قولداۋ رەيتينگٸ كٶپتەگەن بۇقارالىق اقپارات قۇرالدارىنىڭ ساۋالنامالارى بويىنشا بۇرىنعى پرەمەرلەرگە قاراعاندا ەلدەقايدا جوعارى», - دەيدٸ The Asia Group كونسالتينگتٸك كومپانيياسىنىڭ جاپون باعىتى بويىنشا اعا ساراپشىسى رينتارو نيسيمۋرا.
ونىڭ ايتۋىنشا, ساياساتتاعى قالىپتاسقان قاعيدا قاراپايىم: رەيتينگ جوعارى بولسا, سايلاۋ جارييالانادى.
ٶتكەن جىلدىڭ قازان ايىندا قىزمەتٸنە كٸرٸسكەننەن بەرٸ ساناە تاكايتي اقپارات قۇرالدارىنىڭ باستى تاقىرىبىنا اينالدى. الايدا ول بۇقارانىڭ نازارىن ناقتى ساياسي شەشٸمدەرٸمەن نەمەسە زاڭنامالىق باستامالارىمەن ەمەس, ساياسي پەرفورمانسىمەن كٶبٸرەك اۋدارىپ كەلەدٸ.
