قىرعىزستاننىڭ بۇرىنعى پرەزيدەنتٸ المازبەك اتامباەۆ مەملەكەتتٸك ماراپاتتارىنان ايىرىلدى. بۇل تۋرالى ەل پرەزيدەنتٸ سادىر جاپاروۆ تيٸستٸ جارلىققا قول قويدى, دەپ حابارلايدى Dalanews.kz.
قۇجاتقا سەيكەس, المازبەك اتامباەۆتان قىرعىز رەسپۋبليكاسىنىڭ ەڭ جوعارى ايرىقشا بەلگٸسٸ – «قىرگىز رەسپۋبليكاسىنىن بااتىرى» اتاعى, سونداي-اق «ماناس» وردەنٸنٸڭ II دەرەجەسٸ, «داناكەر» وردەنٸ جەنە «دانك» مەدالٸ كەرٸ قايتارىلدى.
بۇدان بٶلەك, اتالعان ماراپاتتاردى بەرۋگە نەگٸز بولعان بٸرقاتار بۇرىنعى پرەزيدەنتتٸك جارلىقتاردىڭ كٷشٸ جويىلدى. اتاپ ايتقاندا, 1999, 2007, 2011 جەنە 2017 جىلدارى قابىلدانعان نورماتيۆتٸك اكتٸلەر ەندٸ جارامسىز دەپ تانىلدى.
ەسكە سالايىق, قىرعىزستاننىڭ بۇرىنعى پرەزيدەنتٸ المازبەك اتامباەۆ 11 جىلعا سوتتالعان بولاتىن. بٸشكەكتەگٸ بٸرٸنشٸ ماي اۋداندىق سوتى قوي-تاش وقيعاسىنا قاتىستى اتىشۋلى ٸس بويىنشا ٷكٸم شىعاردى. بۇل ٸس بەس جىلدان استام ۋاقىت بويى قارالىپ كەلگەن ەدٸ.
ايتا كەتەيٸك, بۇعان دەيٸن قىرعىزستان سوتى جاپپاي تەرتٸپسٸزدٸكتەرگە قاتىستى قىلمىستىق ٸس بويىنشا بۇرىنعى پرەزيدەنت المازبەك اتامباەۆتىڭ ۇلىن ەكٸ ايعا قاماۋعا العان بولاتىن.
بٸشكەك قالاسىنىڭ سوتىندا جاپپاي تەرتٸپسٸزدٸكتەرگە قاتىستى قىلمىستىق ٸس بويىنشا كٷدٸكتٸلەر توبىنا بۇلتارتپاۋ شاراسىن ٶزگەرتۋ تۋرالى تەرگەۋ تاراپىنىڭ ٶتٸنٸشٸ قارالدى. الدىمەن سوت تەرگەۋ ٶتٸنٸشٸن قاناعاتتاندىرىپ, تەميرلان سۋلتانبەكوۆ, ەرمەك ەرماتوۆ جەنە ۋرمات اسكاربەكوۆتى (ۋرمات بارىكتاباسوۆ تەگٸ ٶزگەرگەن) قاماۋعا الۋ تۋرالى شەشٸم شىعاردى. ولار 17 قاڭتارعا دەيٸن تەرگەۋ اباقتىسىنا قامالدى.
سوت شەشٸمٸمەن 17 قاڭتارعا دەيٸن قىرعىزستاننىڭ بۇرىنعى پرەزيدەنتٸنٸڭ ۇلى كادىربەك اتامباەۆ, سونداي-اق شايلووبەك اتازوۆ پەن كۋبانىچبەك كادىروۆ تا قاماۋعا الىندى.
ەلدٸڭ بۇرىنعى پرەزيدەنتٸنٸڭ ۇلى ايىپتىڭ اۋىر تٷرگە قايتا قويىلعانىن حابارلادى. ەندٸ وعان بيلٸكتٸ كٷشپەن قۇلاتۋ ەرەكەتٸ تاعىلعان.
