جاڭعىرتىلعان «بوگاتىر» كٶمٸر كەنٸشٸ ٶندٸرٸس كٶلەمٸن ۇلعاتادى
ەلٸمٸزدەگٸ ەڭ ٸرٸ «بوگاتىر» كٶمٸر كەنٸشٸندە جٷزەگە اسىپ جاتقان جاڭعىرتۋ جۇمىستارى بٸزدٸڭ سٶزٸمٸزدٸ قۋاتتاي تٷسەدٸ. بۇل رەتتە الىپ كەن ورىنى كٶمٸردٸ ٶندٸرۋ مەن تاسىمالداۋدىڭ زامان تالابىنا ساي تەحنولوگييالارىن ەڭگٸزٸپ, جۇمىستارىن جەتٸلدٸرۋدٸ كٶزدەپ وتىر.
ەكٸباستۇز قالاسىندا ورنالاسقان «بوگاتىر كٶمٸر» سەرٸكتەستٸگٸ قازٸر جىل سايىن 42 ملن توننا كٶمٸر ٶندٸرٸپ كەلەدٸ. ال جاڭعىرتۋ جۇمىستان كەيٸن كٶمٸر ٶندٸرۋدٸڭ كٶلەمٸ بٸر جىلدا 50 ملن تونناعا دەيٸن جوعارلايتىن بولادى. مامانداردىڭ ايتۋىنشا, «بوگاتىر» رازرەزٸندە جٷزەگە اسىرىلىپ جاتقان «كٶمٸر ٶندٸرۋدٸڭ تسيكلدىق-اعىندىق تەحنولوگيياسى» جوباسى ەڭبەك ٶنٸمدٸلٸگٸن ارتتىرىپ, كٶمٸر ٶندٸرٸسٸنٸڭ ٶزٸندٸك قۇنىن تٶمەندەتۋگە سەپتٸگٸن تيگٸزەتٸنٸن ايتا كەتۋٸمٸز كەرەك.
قازٸرگٸ تاڭدا الىپ كەنٸشتەگٸ «بوگاتىر» مەن «سەۆەرنىي» كەن ورىندارىندا كٶمٸر اشىق تەسٸلمەن ٶندٸرٸلەتٸنٸ بەلگٸلٸ. بٸرٸنشە كەنٸشتە جىلىنا 32 ملن توننا كٶمٸر ٶندٸرٸلسە, ەكٸنشٸسٸندە 10 ملن توننا كٶمٸر قازىپ الىنادى.
«بوگاتىر» كٶمٸر كەنٸشٸندە 2019 جىلدان باستاپ قولعا الىنعان جاڭعىرتۋ جۇمىستارى كەزٸندە جەرٷستٸندەگٸ تەمٸر جول ٸلمەكتەرٸ, كٸرمە اۆتوجولدار, كٶمٸر تيەۋ پۋنكتتەرٸنٸڭ قۇرىلىس-مونتاجداۋ جۇمىستارى جٷرگٸزٸلسە, 2020 جىلدىڭ قىركٷيەگٸنەن باستاپ رازرەز ٸشٸندە ۋاتۋ-تيەۋ پۋنكتتەرٸن, كونۆەيەرلەردٸ, ورتاشالاندىرۋ قويمالارىن سالۋ جۇمىستار قارقان العان بولاتىن.
سالا باسشىلارىنىڭ ايتۋىنشا, قازٸرگٸ تاڭدا «بوگاتىر كٶمٸرگە» 104 ملن ەۋرونىڭ جابدىقاتارى تولىقتاي جەتكٸزٸلگەن. بۇل جالپى جوسپارلانعان كٶلەمنٸڭ 98,8% قۇرايدى.
«بوگاتىر كٶمٸر» جشس ٷلەسٸنە ەكٸباستۇز كٶمٸر باسسەينٸندە ٶندٸرٸلەتٸن بارلىق كٶمٸردٸڭ 60 پايىزى قۇراسا, ەلٸمٸزدە ٶندٸرٸلەتٸن كٶمٸردٸڭ جالپى كٶلەمٸنٸڭ 40 پايىزى وسى كەنٸشكە تيەسٸلٸ.
