Jańǵyrtylǵan «Bogatyr» kómir kenishi óndiris kólemin ulǵatady
Elimizdegi eń iri «Bogatyr» kómir kenishinde júzege asyp jatqan jańǵyrtý jumystary bizdiń sózimizdi qýattai túsedi. Bul rette alyp ken oryny kómirdi óndirý men tasymaldaýdyń zaman talabyna sai tehnologiialaryn eńgizip, jumystaryn jetildirýdi kózdep otyr.
Ekibastuz qalasynda ornalasqan «Bogatyr Kómir» seriktestigi qazir jyl saiyn 42 mln tonna kómir óndirip keledi. Al jańǵyrtý jumystan keiin kómir óndirýdiń kólemi bir jylda 50 mln tonnaǵa deiin joǵarlaityn bolady. Mamandardyń aitýynsha, «Bogatyr» razrezinde júzege asyrylyp jatqan «Kómir óndirýdiń tsikldyq-aǵyndyq tehnologiiasy» jobasy eńbek ónimdiligin arttyryp, kómir óndirisiniń ózindik qunyn tómendetýge septigin tigizetinin aita ketýimiz kerek.
Qazirgi tańda alyp kenishtegi «Bogatyr» men «Severnyi» ken oryndarynda kómir ashyq tásilmen óndiriletini belgili. Birinshe kenishte jylyna 32 mln tonna kómir óndirilse, ekinshisinde 10 mln tonna kómir qazyp alynady.
«Bogatyr» kómir kenishinde 2019 jyldan bastap qolǵa alynǵan jańǵyrtý jumystary kezinde jerústindegi temir jol ilmekteri, kirme avtojoldar, kómir tieý pýnktteriniń qurylys-montajdaý jumystary júrgizilse, 2020 jyldyń qyrkúieginen bastap razrez ishinde ýatý-tieý pýnktterin, konveierlerdi, ortashalandyrý qoimalaryn salý jumystar qarqan alǵan bolatyn.
Sala basshylarynyń aitýynsha, qazirgi tańda «Bogatyr Kómirge» 104 mln eýronyń jabdyqatary tolyqtai jetkizilgen. Bul jalpy josparlanǵan kólemniń 98,8% quraidy.
«Bogatyr Kómir» JShS úlesine Ekibastuz kómir basseininde óndiriletin barlyq kómirdiń 60 paiyzy qurasa, elimizde óndiriletin kómirdiń jalpy kóleminiń 40 paiyzy osy kenishke tiesili.
