ەنەرگەتيكا مينيسترلىگى جاڭارتىلاتىن ەنەرگيا كوزدەرى (جەك) سالاسى قالاي بەلسەندى دامىتىپ جاتقانىن ايتتى. ماسەلەن، قۇزىرلى ۆەدومستۆو مالىمەتىنشە، بۇگىندە ەلىمىزدە جالپى قۋاتى 3122 مۆت بولاتىن 156 جەك نىسانى جۇمىس ىستەپ تۇر، دەپ حابارلايدى Dalanews.kz.
2024 جىلى جەك ارقىلى وندىرىلگەن ەلەكتر ەنەرگياسىنىڭ كولەمى 7،58 ملرد كۆت·ساعاتتى قۇراپ، جالپى ءوندىرىستىڭ 6،43%-ىن قامتىدى.
"2025 جىلى جالپى قۋاتى 455 مۆت بولاتىن 9 جاڭا نىساندى ىسكە قوسۋ جوسپارلانعان. ونىڭ ۇشەۋى (90 مۆت) ءقازىردىڭ وزىندە پايدالانۋعا بەرىلدى. قازاقستان شەتەلدىك ينۆەستورلارمەن تىعىز جۇمىس ىستەۋدە. قازىرگى تاڭدا ولاردىڭ ينۆەستيسيالىق جوبالار پورتفەلى شامامەن 4،8 گۆت-تى قۇرايدى. جوسپار بويىنشا 2035 جىلعا دەيىن ەلىمىزدە كەمىندە 8،4 گۆت جەك قۋاتى ىسكە قوسىلادى"، دەپ ناقتىلايدى سالالىق مينيسترلىك.
سونىمەن قاتار شاعىن كولەمدەگى ەلەكتر ءوندىرۋ سالاسى دا دامىپ كەلەدى. نەتتو-تۇتىنۋشىلار مەحانيزمى ازاماتتار مەن بيزنەس وكىلدەرىنە وزدەرىنىڭ كۇن نەمەسە جەل ەلەكتر ستانسيالارىن قولدانىپ، ارتىق ەنەرگيانى ەلەكتر جەلىسىنە ساتىپ، تابىس تابۋعا مۇمكىندىك بەرەدى.
"2024 جىلى مۇنداي كەلىسىمشارتتاردىڭ سانى 47-دەن 103-كە جەتتى. ال شاعىن نىسانداردىڭ جالپى قۋاتى 6،2 مۆت-قا دەيىن ارتتى"، - دەيدى مينيسترلىكتەن.
قازاقستان تۇراقتى دامۋ ماقساتتارىنا جوسپارلى تۇردە ىلگەرىلەپ، ەنەرگەتيكالىق قاۋىپسىزدىگىن نىعايتىپ كەلەدى. جەك جوبالارىن جۇزەگە اسىرۋ — ەنەرگەتيكالىق قاۋىپسىزدىكتى نىعايتۋعا، جاڭا جۇمىس ورىندارىن اشۋعا، ينۆەستيسيا تارتۋعا جانە زاماناۋي "جاسىل" ەكونوميكانى قالىپتاستىرۋعا ىقپال ەتەدى.
بۇعان دەيىن ەنەرگەتيكا ۆيسە-مينيسترى سۇڭعات ەسىمحانوۆ جەكە ۇيلەردىڭ يەلەرى كۇن باتارەيالارىنان اقشا تابۋىنا بولاتىنىن ايتقان. الايدا ولار بۇل تۋرالى ءالى كوپ بىلە بەرمەيدى نەمەسە وعان دەگەن قاتتى قىزىعۋشىلىعى جوق. ويتكەنى مۇنداي ءتاسىلدى قولدانۋشىلار ەلىمىزدە ءالى از ەكەن.
