جاڭاوزەندە ۇلەسكەرلەر ميلليونداعان قارجىسىنان ايىرىلىپ قالدى، دەپ حابارلايدى Dalanews.kz.
قما ماڭعىستاۋ وبلىسى بويىنشا دەپارتامەنتى "وزەن كولىك قۇراستىرۋ زاۋىتى" ج ش س باسشىلىعىنا قاتىستى ازاماتتاردىڭ قاراجاتىن ۇلەسكەرلىك قۇرىلىس رەتىندە زاڭسىز تارتۋ دەرەگى بويىنشا تەرگەۋدى اياقتادى.
ەكى جىل بويى كومپانيا باسشىلىعى جاڭاوزەن قالاسىندا Astana Rich Village تۇرعىن ءۇي كەشەنىنىڭ قۇرىلىسىن قاجەت رۇقسات قۇجاتتارىنسىز، جوبالىق-سمەتالىق قۇجاتتاماسىز، مەملەكەتتىك ساراپتاما مەن اۆتورلىق قاداعالاۋسىز جۇرگىزگەن. ازاماتتاردىڭ قاراجاتىن تارتۋ ماقساتىندا ءتۇرلى ينتەرنەت رەسۋرستاردا پاتەرلەر نارىقتان تومەن باعامەن ساتىلاتىنى تۋرالى جارناما جاريالانعان.
ناتيجەسىندە 23 ازاماتپەن جالعان الدىن-الا ساتىپ الۋ-ساتۋ شارتتارى جاسالعان. زاڭسىز تارتىلعان قاراجاتتىڭ جالپى كولەمى 303 ملن تەڭگەدەن استى.
"تۇسكەن اقشا قۇرىلىس ماتەريالدارىن ساتىپ العانداي كورىنىس جاساپ، كاسىپورىن كاسساسىنان قولما-قول اقشاعا اينالدىرىلىپ، شىن مانىندە جەكە قاجەتىنە جۇمسالعان. تۇرعىن ءۇي قۇرىلىسى اياقتالماعان.
زالالدى وتەۋ جانە جابىرلەنۋشى ۇلەسكەرلەردىڭ مۇددەلەرىن قورعاۋ ماقساتىندا سوت سانكسياسىمەن كۇدىكتىلەرگە تيەسىلى مۇلىككە - تۇرعىن ءۇي، پاتەر، 2 كولىك جانە 3 جەر ۋچاسكەسىنە تىيىم سالىندى. كۇدىكتىلەردىڭ ءبىرى قاماۋعا الىندى، ەكىنشىسىنە بۇلتارتپاۋ شاراسى رەتىندە كەپىل قولدانىلدى"، - دەدى قما وكىلى.
