Jańaózende úleskerler milliondaǵan qarjysynan aiyrylyp qaldy, dep habarlaidy Dalanews.kz.
QMA Mańǵystaý oblysy boiynsha departamenti "Ózen kólik qurastyrý zaýyty" JShS basshylyǵyna qatysty azamattardyń qarajatyn úleskerlik qurylys retinde zańsyz tartý deregi boiynsha tergeýdi aiaqtady.
Eki jyl boiy kompaniia basshylyǵy Jańaózen qalasynda Astana Rich Village turǵyn úi kesheniniń qurylysyn qajet ruqsat qujattarynsyz, jobalyq-smetalyq qujattamasyz, memlekettik saraptama men avtorlyq qadaǵalaýsyz júrgizgen. Azamattardyń qarajatyn tartý maqsatynda túrli internet resýrstarda páterler naryqtan tómen baǵamen satylatyny týraly jarnama jariialanǵan.
Nátijesinde 23 azamatpen jalǵan aldyn-ala satyp alý-satý sharttary jasalǵan. Zańsyz tartylǵan qarajattyń jalpy kólemi 303 mln teńgeden asty.
"Túsken aqsha qurylys materialdaryn satyp alǵandai kórinis jasap, kásiporyn kassasynan qolma-qol aqshaǵa ainaldyrylyp, shyn máninde jeke qajetine jumsalǵan. Turǵyn úi qurylysy aiaqtalmaǵan.
Zalaldy óteý jáne jábirlenýshi úleskerlerdiń múddelerin qorǵaý maqsatynda sot sanktsiiasymen kúdiktilerge tiesili múlikke - turǵyn úi, páter, 2 kólik jáne 3 jer ýchaskesine tyiym salyndy. Kúdiktilerdiń biri qamaýǵa alyndy, ekinshisine bultartpaý sharasy retinde kepil qoldanyldy", - dedi QMA ókili.
